.. كعدت ثاني يوم بدلت لـ وردة وطلعت لكيت صديقاتها الي ترجع وياهن راحت وياهن اني رحت البيت هدوء طبيت لغرفة ام رافت نايمه طلعت سويت ريوك مبين جايه من وكت اليوم
مهاب : اعرفكم عني عمري 28 عندي اخو اكبر مني اسمه رافت واختين اصغر مني كلهم متزوجين امي مره مريضه وجبيره واني عندي شغل بليل وارجع فـ هيه خلت مساعده الها بالبيت وبالشهر تنطيها فلوس بس لو تعرفون شكد اكرهة هاي المره التشتغل عدنه ماطيق اشوف وجها اكول لامي تخليها تروح من وكت حتى ماشوفها المهم
.. بدلت وطلعت باب الحوش ع المطبخ طلعت للمطبخ شفت بنيه واكفه يم طباخ دايره وجها وشمس فايته من الباب شعرها بالشمس مبين بي شكار
لزمت الكرسي ضغطت عليه قبضة ايدي بقوه
: انتي الجديده التشتغلين هنا
ترف : سمعت صوت مبحوح ويخوف درت وجهي بقيت صافنه بوجها شطوله ومعضل لابس لبس رسمي ومضيك عيونه ويباوعلي كلت
.. اي
مهاب : ماعندج ايد دكين الباب
ترف : متعوده لان خاله نايمه خطيه اكعدها
مهاب : مو خوش عذر كملتي الريوك؟
ترف : اي ودرت وجهي اكمل بي بسرعه هوه كعد ع الكرسي ويدخن ويباوع عليه ابد ما شال عينه كملته وحطيت الريوك صرت واكفه يما هوه يباوع بوجهي ردت اموت هاذه شبي هيج يباوعلي بلعت ريكي صبيت الجاي وسمعته كال
.. فديته لالله
بسرعه ذبيت الي بايدي وطلعت من المطبخ رحت لغرفة ام رافت كلبي يدك بقوه وجسمي يرجف ايدي ترجف اباوع وراي خاف يجي رحت كعدت ام رافت خاله اكعدي خاله ودك عليها بيدي بخفه
ام رافت : ها يمه الزهره
ترف : ماكو شي اسم الله بس اكعدي سويت الريوك
ام رافت : لزمت كلبها وغمضت عيونها ، ليش هيج يخاله وكعتي كلبي شكول عليج
ترف : كعدي اكلي ابنج بالمطبخ
ام رافت : مهاب لهسه هنا
ترف : اي كال اريد ريوك
ام رافت : يا اول تالي صدك تحجين يمه
ترف : والله خاله هسه ديتريك
ام رافت : كوميني يمه
ترف : كومتها واخذتها للمطبخ يم الباب وبقيت واكفه ماريد اطب هيه راحت وصاحتني .. ترررف
ترف : ها
ام رافت : تعاي وينه مهاب
ترف : طبيت محد موجود بالمطبخ ، ها مادري والله يمكن راح
ام رافت : اي مو اكولن ابني واعرفنه مايتريك غلطانه انتي
ترف : لا والله هوه بقه كاعد ويريد ريوك
ام رافت : هاهيه تعاي اكلي وياي يمه ماطول مخليه كلاصين
ترف : ماريد
ام رافت : دتعاي اضوج وحيدي اكل
ترف : رحت كعدت واكلت للعصر ورجعت للبيت ارجع مشي مو كلش قريب مسافه واوصل
.. دخلت للبيت وردة حضنتني بستها وطبيت
ترف : ها ماما شونج
لكيتها نايمه وتون
ام ترف : يمه تعبانه ييمه
ترف : شبيج يمه وين ابوي
ام ترف : طالع سوي اكله لوردة جوعانه ماكدر اكوم والله ييمه
ترف : جبت وياي من ام رافت اكل كالت ودي لامج
ام ترف : شلون تاخذي يمه والله عيب
ترف : والله هيه لحت عليه واخذته
ام ترف : اشو فتحي شنوه
ترف : كعدت فتحت العلاكه طلعت كدر بي تمن ودجاج
ام ترف : الله ينطيها الصحه العافيه الله يفرحها بوليدها ويكومها بسلامه كومي احمي يمه خلي ناكله بعد عمري
ترف : كمت حميته وصبيت وخذته بالصينيه كعدت هيه وردة ياكلن اني رحت سبحت وبدلت ورحت صبيت وكعدت اكل وصافنه واتذكره ويجي صوته بالي فديته لالله يرتعش جسمي واخاف اكلت شوي وعفته كمت غسلت المواعين وكعدت اقري وردة طب ابوي خزرنه وطب لغرفته شوي وطلع صاح
.. صبيلي اكل
ام ترف : شنو تصبلك هوه انته شجبت حتى نطبخ
صفاء : واني شمدرينيي دبروها ايشي جوعااان يللله
ام ترف : ماعدنه شي وشبكت ايدها وتباوع بالكاع
راح عليها ابوي لزم وجها حيل صرخ : شنو ماعدنه سوو ايشيييي العالم تاكل من الزبل حمدو ربكم وشكرو عدكم ثلاجه ومطبخ شوفو شنو اكو وسولي اريد اتزقنببب
ترف : كمت بسرعه بابا عوفها راح اسويلك كافي عوفهااا هوه هدها وراح كعد يباوع ع تلفزيون رحت صبيت ونطيته امي كالت
.. هضيمه والله
صفاء : اووو هاي شنو منين جبتو الاكل
ترف : من خاله ام رافت
صفاء : اي اي جيبي وياج كلما تجين خوما تشتغلين خالي بلاش بشهر ينطوج ومايكفينه
ام ترف : وانته شبيك ماتشتغل وتشتري اكل استحي ع روحك ينطونه اكل الي كت.. وسكتت
ترف : كافي ماما اسكتي ميخالف
اعرفه يضربها شسوي رحت فرشت بالغرفه واجت امي نامت كعدت ع فراشي اجت وردة رجعت اقريها كملت ونامت رتبت جنطتها وغطيتها طفيت الضوه وطلعت اخذت الملابس غسلتهن وشريتهن ابوي ماهوه طبيت لغرفتنه قفلت الباب ونمت
صوتو + علقو ع الفقرات 🥺🖤
YOU ARE READING
القسوه تشع من عيناه
Romance(ب اللهجه العراقيه)-- "لقد رأيت الناس بوضوح من خلال أعينهم...العين دائماً مرآه لا تكذب.. فهناك من تشع عيناه رفق ولين وهناك من تشع عيناه حماس وطموح وهناك من تري الذكاء في عيناه حاد كالصقور وهناك أعين خبيثه..لا تستطيع اخفاء حقدها وعدائها مهما تفننت في...
