القسوه تشع من عيناه

part 35 ''

.. كعدت الصبح شفت مهاب صافن بوجهي

ترف : هاي اني هم كعدت

مهاب : جا شتردين

.. لو ميته

.. اهخخ

.. دفعته عني وكمت وين وردة؟

مهاب : يم امي

.. نزلت لغرفة ام رافت لكيت وردة نايمه يمها طلعت سويت الريوك واحاول انسه هذيج الليله السوده اريد اقوه لا ابقه ضعيفه اتمنه اموت ولا ابجي كافي بجي ككاافي فززني صوت الجاي كام يفور صبيت ورحت شفت ام رافت كاعده

ام رافت : اسكتي عوفيها نايمه خطيه

ترف : عفتها ورحت كعدت اكل كعدت ام رافت تاكل باوعت ع مهاب طلع بدون مايحجي ايشي

.. توني داصب الغده طبت فاطمه سلمت على امها وبوستها وكعدت ماحاجيتها لان مبينه ضايجه كعدنه تغدينه وبقن يسولفن كامت ام رافت فاطمه هم كملت بس بقت تراسل بالموبايل خزرتها وكمت اخذت المواعين لسنك وردة راحت يم ام رافت رفعت راسها فاطمه وكالت

فاطمه : بس لو افهم شبسرعه حبلتي

ترف : سألي اخوج

.. صارلي جم سنه متزوجه ولا حبلت وانتي بسم الله يمكن من اول يوم

.. ماتزوجتي اخوج هسه يحبلج بهاي لحظه

.. احترمي نفسج ولج مو حرام هاذه الحجي

.. استغفرالله

.. زين هاي خلصنه منها شلون خليتي يتزوجج

.. شبيج انتي شو ضايجه؟

.. اي ضايجه ماطيق اشوف وحده خدامه جانت تزوج اخوي

.. على اساس هسه منو هوه اخوج مخترع الخاشوكه

.. غصبن عليج اخوي يسواج ويسوه راسج

.. اسمع يـ ط....

.. هسه ارتاحيتي احتليتي البيت انتي واختج

.. مو هوه دوله حتى احتله

.. شو صايره تفشرين ماتاكلين خره وتكعدين راحه يرادلج تربايه من جديد انتي

.. والله بكيفي روحي ربي اخوج كلساعه فشر ونزع مامترباي

.. اخوي ولد انتي بنيه عيب تفشرين عيب استجني

.. انتي استجني انتي واخوج جنج عكروك طفرين طفر بالكلام وثاني شي حتلو بنيه غصبن على الكل افشر واغلط وما احترام

.. والله وطالعلج اللسان

.. جا شتردون ابلع لساني غصبن عليج وعلى اهلج اطلعه والله اله اشكم شك ماخلي واحد يطب لهاذه البيت اريد اسويها صدك واحتله وعفتها وطلعت رحت لغرفة مهاب نمت ع جربايه حسيت بطني تتكطع من الوجع الله ياخذ هيج بشررر الله ياخذذذه شنو من عائله انشالله تدمر بقيت اتوجع من بطني لمن غفيت