القسوه تشع من عيناه

part 10 ''

علقو بين الفقرات + صوتو يعيوني 👋🏻🧡

مهاب : كعدت الصبح نايم ع بطني وفرك براسي يريد ينفجر فتحت عيوني كوه شفت عباس نايم بالكاع كوه رفعت راسي عباااس

عباس : هااا

مهاب : شجابني هنا اني

عباس : كعد السكران طول الليل عوفني نايم

غسلت وجهي صحصحت باوعت لساعه بـ 8 : يلا عبيس اني رايح عندي شغل

عباس : روح روح سد الباب مو تنساها

رفع راسه باوعلي كال : شو اي اي مو بعدك سكران يلا روح ..

ترف : الليل كله ما نمت اول ما اغفه افز من كابوس وابد ماكدر انام امي حضنتني حصنتني بالقران بس افزفز كعدت الصبح بدلت لـ وردة وبدلت واخذتها لمدرستها ورحت لبيت ام رافت مشيت علكيف هم تعبانه وهم حتى ماشوف مهاب بس رحت شفت سيارته شخطت ارتاحيت يعني راح رحت للبيت هدوء نايمه ام رافت سويت ريوك وكملته ورحت دكيت باب غرفتها وصحت خاله

ام رافت : فزيت من نومي كمت اكحكح تعاي خاله تعاي

ترف : طبيت هلاو خاله شونج

ام رافت : هلا يمه هلا ستوج اجيتي

ترف : لا سويت الريوك وكعدتج

ام رافت : اي جايه خلي اغسل وجهي

ترف : ماشي وطلعت البيت نضيف مابي شي كعدت ع تخم شويه وطلعت ام رافت كالت تعاي اكلي وياي

ترف : لا يروحي ما اشتهي

ام رافت : لا تعاي حتلو لفه وكومي شنو ماتحبين تاكلين وياي

ترف : لا والله خاله بس

.. كمت كعدت وياها واكلت داكل بلفة وتخيله يغتصب بيه اتخيل الجرح والخياط والمستشفيات ذبيت لفة من ايدي وركضت للحمام وتقيت واكح اسمع عكازه ام رافت طخ بالكاع وتصيح خاله ترف شبيج

ترف : غسلت وجهي لازمه المغسله بيدي منا ومنا وضاغطه عليها حيل رفعت عيوني المرايه صارت كدامي فاتحه حلكي وتنفس حيل واللهث ووجهي احمرر طلعت من الحمام مابيه شي بس حسيت نفسي دخت حيل بس تقي.... وصار ضلاام دامس

ام رافت : يمه البت ساحت روحهااا ولج يممه ذبيت العكازه وكعدت بالكاع حطيت راسها بحضني ضربتها ع وجها كمت كوه سحلت روحي جبتلها ماي غسلت وجها وشربتها هيه فتحت عيونها كوه تفتحهن

ترف : دموعي نزلت ع خدي لا تخافين خاله والله مابيه شي بس تعبت شويه اخخ وفركت راسي

ام رافت : شبيج مصوفره اول مره اشوفج هيجي شبيج يروحي تعبانه اوديج لاهلج

ترف : شلون اصارحج واكلج ابنج سوه بحالي هيج جانت ابد ماتخليني لمن يجي طلعت المره تعرف ابنها واحد كو..اد جنت اكول ليش ماتخليني اشوفه جعل كل عمري ماشايفه وجها سلب كل طاقتي كلتلها لا خاله شسالفه هيه دوخه صرت احسن