القسوه تشع من عيناه

part 25 ''

.. كعدت صبح سمعت صوت مره جبيره وغريب جوه شفت مهاب يبدل كمت باوعتله عمو منو عدنه

مهاب : ام ابوي

ترف : صفنت بيبيتك

مهاب : اي كومي يله لا تبقين نايمه

ترف : معليه اخاف

مهاب : مين تخافين

ترف ما مانزل

.. اكلي خره وحك الحسين اجي اشك حلكج كومي وراي يللله

ترف : رحت وراه نزلت باوعت مره جبيره كاعده راح باسها واني رحت بستها ردت امشي جرتني كعدتني يمها

مهاب : لازم اروح عندي شغل انشالله اذا كدرت اجي الضهر نتغده سوه مشتاقلج والله

ام سلام : هلا يمه هلا حبيبي براحتك بعد روحي اني هم مشتاقتلك بعد عمري لا تتاخر اريد اكعد وياك اسولف وياك

مهاب : يبعد عيوني تدللين حجيه بس هسه لازم اروح مع سلامه وباوعت لـ ترف ترجف عفتها وطلعت

ام سلام : كعدي هناك كدامي خلشوفج

ترف : كمت كعدت وارجف مادري على شنو خايفه هسه اني

ام سلام : جيبولها بطانيه

ام رافت : ليش شبيها

ام سلام : ترجف البت خاف بردانه

ترف : صافنه عليها

ام سلام : شو هاي فرخه

ام رافت : اي والله جا اني شكلتلج

ام سلام : شكد عمرج

ترف : 14

ام سلام : شمالها اني فرخه هيه ناعمه يمكن

ام رافت : روحي سوي ريوك يله كومي

ترف : كمت سويت ريوك وكعدنه ناكل ويسولفن

ام سلام : اكلج بيبي شو ماكو بطن هاذه وين طفل

ترف : بـ ط...

ام رافت :  فتحت عيوني ع وسعهن تررررف وحك ام البنين اجي اشك حلكج عيب احترمي

ام سلام : ههههه لا اسكتي عوفيها نسخة مهاب هوه هيج يريدها ثنينهم يفشرون الطيور على أشكالها تقع

ترف : باوعتلها واكلت

ام سلام : خاف تشتهين شي هاي احجي مو تبقين ساكته يطلع الفرخ بي وحمه

ترف : اذا ادخن يموت الفرخ

ام سلام : يمه اسم الله برد شرج شنو هاذه الحجي اي اكيد شيبقه بالطفل يموت

ترف : همم اكلت وكمت

ام سلام : وين

ترف : شبعت

ام سلام : شاكلتي دكعدي كعدي اكلي ولا مبين حامل خلي يكبر الطفل

ترف : ما اشتهي ما وطلعت بسرعه هيه ضلت تصيح عفتها ورحت للغرفه دورت بالجرارات لكيت جكاير مال مهاب اخذت جكاره سديت الباب ودخنتها ماعرفت كلت خاف مو زينه هاي طفيتها وذبيتها بسطل طلعت ثانيه كوه سويت نفس الكاله الي هذيج المره وعرفت ادخن كملت جكاره ع النص كمت اكح اختنكت كلش ذبيتها وطلعت اجن خوات مهاب ورافت ومها اني بس شفت رافت شردت بالغرفه بقيت كاعده شوي وصاحتني مياسه نزلت باوعت لـ رافت باوعلي ودنك رحت للمطبخ بقيت كاعده يمهن بعدين سمعت سياره مهاب كمت طلعت وكفت واباوعله