القسوه تشع من عيناه

part 37 ''

ترف : كعدت الصبح ماهوه مهاب اخذت ملابس وطبيت سبحت وبدلت طلعت شفت ام رافت كاعده ع تخم حسيتها ضايجه رحت كعدت يمها وكلت

.. اسفه

.. ليش

.. الامس صحت عليج والله ضجت احس كلشي جاي اسوي مو بوعي من القهر الانسان ينفجر ادري غلطت هواي وحتى فاطمه يمكن زعلت اني مامتعوده أذي واحد بس مادري شصايرلي

.. عاذرتج انتي حامل ومهاب هم ما شاء الله كل ساعه ومضوجج

.. كلت بكلبي شعجب عفتها وكمت سويت ريوك كعدت وردة وكعدنه نتريك

مهاب : بـ 9 بليل مريت على عباس

.. هلا شونك عبيس ابشر اعذرني رحت من وكت بالمشيه بس فصمتي تخربطت تعرف حامل وهاي شونك يخوي

.. مانطق بكلمه بس فتح الباب وكعد يكلب بالموبايل ..

.. عبيس تسمعني هيوو اشرتله بيدي رفع راسه وكال

.. مهاب

.. ها خير احجي خوفتني

.. ساره

.. غير يحجي انعل والدي الي يجي يمك بعد ولك احجي كلبي راح يوكف

.. ماينطوني ساره

.. يروحي خوفتني مو هيجي كلبي راح يوكف نطوني ماي وليش عيني ماتقبل

.. صفن بوجهي ثواني ورجع يكلب بالموبايل

.. سحبت موبايله وشمرته ع التخم يمي احجي عبيس غير مثل كل مره دراسه وبعدها نروح اكثر من مليون مره واذا ماقبلت نروح نسحلها من عطوبها

.. مهاب

.. اهووو صار عندي مغص احجيييي شنووو

.. عليك القران اسمعني كلمه كلمه ولا تكوم تركض تسوي شي تتندم عليه بعدين اهدى وركز

.. اي

.. ليث اخو ساره

.. شبي

.. شايف ترف مرتك وحالف بالقران ماينطيني ساره لمن ننطي ترف

.. مرتي مرتي

.. اي بس اهدى

.. وين شافها؟

.. بالمطبخ جانت هيه وسبا اخت ساره وطاب شايفها وصارت عركه شكبرها كايليله متزوجه وحامل حالف وشاك ذمة امه وابو ماينطون ساره اليه

.. كام مهاب طلع المسدس وعيونه بكصته ويتنفس حيل

.. وحك مصيبة زينب ماخلي عايش انشاء الله سرطان يسري بدمه ماخلي عااااايش الي يحط عينه على مرتييييي

عباس : لزمته بسرعه حيل عليك القران اوكف عليك الحسين كافي شبيككك مو كلشي بالكتل ينحل اهدى مهاب راح تسوي مصيبه بس اهدى حتى تعرف تتصرف مو كتل مهاااب وسحلت المسدس منه