.. كعدت الصبح ع صوت ابوي يصيح
.. يلله كومي
ترف : حباب ماريد اروح الله يخليك بابا حباب
صفاء : كومييييي
ترف : كمت غسلت وبدلت اخذت وردة للمدرسه مشيت على كيف ماريد اوصل لبيت ام رافت
ضليت امشي على كيفي لمن وصلت للباب وكفت ثواني تنهدت ودخلت شفت ام رافت بالحوش كاعده ع الكرسي
ام رافت :- هلا خاله هلا صباح الخير
ترف : صباح النور شلونج .. دنكت راسي
ام رافت : الحمدلله اختنكنه من الغرف طلعت شويه بالشمس
ترف : اي خاله انتي هم مثل امي راح ادخل اسويلج ريوك
ام رافت : اي والله معدتي كطعتني من الجوع
ترف : طبيت سويت الريوك الحمدالله ماهوه مهاب كالعاده نفس الروتين للعصر ردت امشي حاجتني ام رافت
ام رافت : لا يمه ابقي يمي اليوم مايجي مهاب لليل بعد عمري والله اضوج وحدي ماكو حس بالبيت ووحدي اكل شويه وروحي حتلو مهاب يوصلج
ترف : لا خاله والله اريد اروح هناك امي وحدها
ام رافت : لا يبعد روحي والله شويه وروحي بعد وكت هسه
ترف : ماشي ..بقيت لثمانيه ونص تقريباً
ام رافت : يمه قبل لا تروحين ترحين لهاي المره جيرانه تجيبن منها غراض بس كليلها نطيني غراض ام رافت جيرانكم هيه تنطيج علاكه جيبيها وتعاي والله محد يروحلي اكول لمهاب يكلي اي بعدين ومايجيبها
ترف : وين بيتهم
ام رافت : هنا قريب بيتين ليكدام هوه ثالث بيت
ترف : اي راح اروح
ام رافت : يله يحبيبتي حتى ترحين لاهلج
ترف : رحت سلمت واخذت الغراض بعلاكه اني وراجعه دامشي شفت مهاب نزل من السياره بسرعه مشيت وطبيت
ترف : هاج خاله اني راح اروح
ام رافت : شبيج مستعجله
ترف : لا بس غير هاهيه فات مهاب درت وجهي عيونه حمر وشراين كصته بارزات وعاقج حواجبه
مهاب : شكو طالعه بهاذه ليل؟
ام رافت : اني وديتها يمه
مهاب : شكو خير شنو المهم بهذا الليل
ام رافت : هسه واذا يمه
مهاب : ماريد بنيه تطلع من بيتي وبهاذه الوقت شعندي بيت دعاره لو يكولون هاذه خنيث مطلعله بنيه بنص ليل
ام رافت : عيب البنيه واكفه شنو هذا الكلام بعد وكت الناس تفتر بالشارع
مهاب : وحك هوه ابو فاضل اذا شفتج بعد طالعه حتلو بعز النهار اكسر رجليج فاهمه لو لا
YOU ARE READING
القسوه تشع من عيناه
Romance(ب اللهجه العراقيه)-- "لقد رأيت الناس بوضوح من خلال أعينهم...العين دائماً مرآه لا تكذب.. فهناك من تشع عيناه رفق ولين وهناك من تشع عيناه حماس وطموح وهناك من تري الذكاء في عيناه حاد كالصقور وهناك أعين خبيثه..لا تستطيع اخفاء حقدها وعدائها مهما تفننت في...
