علقو بين الفقرات 🤍 + لايك
ترف : بقيت كاعده يم ام رافت ساعه بالوحده الضهر كمت طفيت الضوه وسمعت الباب اندك
ام رافت : يمه روحي شوفي منو
ترف : رحت فتحتها منو
رافت : وين امي شلونها
ترف : طب رأفت هوه ومرته وجهال راحو بسرعه لغرفة ام رافت اني رحت اباوعلهم باس امه وكعد حجه وياها
ام رافت : يمه ترف جيبي ماي
خزرتني البنيه وكامت
مها : لا اني عمه كايمه اجيب ماي اصلاً منو هاي
ام رافت : خليت وحده تساعدني بالبيت جا شسوي لا عندي جنه ترحم ولا بنيه
سكتت وكامت باوعت لام رافت اشرتلي بمعنى روحي رحت للمطبخ مها باوعتلي من فوك لجوه وكالت
.. لتسوين نفسج حبابه وطيبه وماكو منج علمود تزوجج رجلي طلعيها هاي الفكره من بالج
مهاب : وليش تزوجها لرافت شنو ما ماليه عينه انتي
استحت دنكت راسها اخذت دولكه الماي وطلعت ركض
ترف : رفعت شعري وره اذني ودنكت طلع مهاب كعدت ع الكرسي ايدي ع خدها صافنه اتخيل صديقاتي الجانن بالمدرسه وين صارن واني وين كافي مليت والله بعد ماريد اشتغل لو يموت ابوي ان شاء الله الموت الياخذه
كمت لغرفة ام رافت :- خاله اني راح اروح
ام رافت : ها خاله شبيج ليش
ترف : مابيه شي رايحه اني امي كالت لا تتاخرين وانتحرت هواي
ام رافت :- براحتج خاله براحتج هاي مها اجت يمي براحتج
ابتسمت وطلعت بين ما البس حذائي سمعت مهاب وراي
.. تعاي صعدي اوصلج
ترف : ما جاوبته كمت مشيت حيل طلع كدامي مشه جرخت بالحذاء دار وجها باوعلي كملت امشي مشه وياي وكال
.. شبيج بويه
ترف : صار يمي هوه شطوله وضخم لازم ارفع راسي وشوفه انداريت باوعت ع ركبته بيها شامتين بنفس الجهة بس شوي متباعدات رفعت عيوني وكلت
ترف :- اريد اروح لاهلي اني دوم اروح وحدي ليش اجيت وياي
حجيتها وركضت بسرعه اريد بس اشرد وصلت لبيتنه ادك بالباب واباوع وراي شفته واكفه بعيد ويدخن فتحت الباب وردة طبيت وسديتها حيل
رحت بسرعه للحمام فتحت الدوش وكعدت جواه بملابسي تاخرت حيل سمعت امي تصيح ترف كمت بسرعه نزعت ملابسي وسبحت وصحت لوردة تجيبلي ملابس بدلت وطلعت انشف بشعري
YOU ARE READING
القسوه تشع من عيناه
Romance(ب اللهجه العراقيه)-- "لقد رأيت الناس بوضوح من خلال أعينهم...العين دائماً مرآه لا تكذب.. فهناك من تشع عيناه رفق ولين وهناك من تشع عيناه حماس وطموح وهناك من تري الذكاء في عيناه حاد كالصقور وهناك أعين خبيثه..لا تستطيع اخفاء حقدها وعدائها مهما تفننت في...
