ترف : كعدت ثاني يوم الصبح على صوت صريخ وبجي وردة تخبلت مابقه عقل بيه كلبي كام يرجف كمت اركض نزلت شفت وردة شايلها مهاب وتصرخ وتبجي
مهاب : من طلعت الصبح مريت ع بيت ام ترف دكيت الباب فتحتها وردة طبيت كلتلها امج وين
وردة : ماما نايمه وين ترف ليش ماجبتها وياك
مهاب : مسدت ع شعرها وكلتلها روحي كعديها كليلها اجانه خطار
وردة : اي ورحت ركض اكعد بـ أمي ماتكعد من امس بليل ماعرف شبيها طلعت كلتله
.. عمو ماما ماتكعد
مهاب : ليش شبيها كعديها حاجيها
.. ماتكعد مادري
مهاب : رحت دكيت باب الغرفه صحت ام ترف ابد ماكعدت كلت لازم ادخل فتحت الباب طبيت لكيتها نايمه رحت يمها اكعد بيها ماكو ماتكعد ولا تتنفس مابيها نبض اصلن اخذت وردة ماقبلت كامت تصيح كوه شلتها وصعدتها بسياره ضلت تبجي وتصرخ اخذتها للبيت صريخها ترس الحوش ام سلام ماهيه راحت من الصبح طلعت امي صفنت عليها ونزلت ترف
ترف : شبيها وردة شكو شصاير وخرررر عوفهااا هد وردة ورحت جريتها منه حضنتها وباوع ع وجها عافني وطلع كعدت بالكاع حسيت نفسي دخت باوعت بعيون وردة عفيه احجي شصاير وردة ليش اجيتي ويا عمو مهاب ها يروحي احجيلي شكو
وردة : تبجي مادري هوه اخذني من البيت
ترف : حضنتها وبقيت صافنه معقوله الي بالي صار
مهاب : اخذت ام ترف للمستشفى طلع صاير بيها سكته قلبيه وميته ومحد يدري بيها منتهيه المره دفنتها يم صفاء وبقيت صافن دفنت اهلها ثنينهم بيدي بقن بس هنه شنو ذنبهن انته شسويت مهاب حطمت بيت عائله كامله كعدت بالسياره ودخن جكاره وصافن شكللها هسه ارتاحيت يمهاب انطلقت للبيت نزلت شافتني ترف عفتها وصعدت للغرفه
ترف : كالتلي وردة امي نايمه وماتكعد بقيت ارجف عرفت امي توفت بس بقيت عايشه بجذبه لثواني صعدت وراه رحت اباوع بعيونه هوه صافن عليه احس راح اموت بس اعرف شصاير كلتله
.. احجي عمو وجسمي كله يرجف واردد ب امي ماتت امي ماتت عمو امي ماتت شبيها وردة ليش تبجي عمو امي امي شبيها لازمه صدره وارجف شفته ماجاوب اتاكدت اباوع ع الباب وباوعله بعد ماعرف شسوي اروح لامي اشوفها وين اروح شسوي لزم كتفي وكال اهدي بويه اهدي مابيها شي امج بس تخربطت شويه باوعت بعيونه وهنا عرفته جان يجذب عليه وامي ماتت مو تخربطت صرخت بأعلى صوتي اخخخخخخ يممممممه غمضت عيوني وصار ضلام دامس وبعدها مادريت شصار
مهاب : اكعد بيها ماتكعد ابد حاولت ضربتها ابد نزلت واني شايلها صعدتها بسياره وخذتها للمستشفى دخلتلها دكتوره وطلعت كالت
.. متعرضه لصدمه لا تخاف هسه تصحه
مهاب : طبيت يمها بقيت مدري جم ساعه وكعدت فتحت عيونها باوعتلي باوعت ع الغرفه لثواني وكعدت صافنه نزلت من جربايه وكالت
YOU ARE READING
القسوه تشع من عيناه
Romance(ب اللهجه العراقيه)-- "لقد رأيت الناس بوضوح من خلال أعينهم...العين دائماً مرآه لا تكذب.. فهناك من تشع عيناه رفق ولين وهناك من تشع عيناه حماس وطموح وهناك من تري الذكاء في عيناه حاد كالصقور وهناك أعين خبيثه..لا تستطيع اخفاء حقدها وعدائها مهما تفننت في...
