🔥အမုန်း အငြိုး၏ နိဂုံး
or
မောင့်အမျက်တော် 🔥အခန်း (၁၅)
🔥🔥🔥🔥🔥🔥🔥🔥🔥🔥🔥🔥🔥🔥🔥
သတင်းတင်တာ သိမ့်မဟုတ်ကြောင်း လိမ်ညာမလို့ပေမယ့်... ကိုကိုစောရဲ့ ကြောက်ရွံစရာ ဒေါသမျက်နှာကြီးကြောင့်... သိမ့် မလိမ်ညာဝံ့တော့ သည်။
" သိန်း သိန်းနှစ်ဆယ်ပါ။အ့! "
သိမ့် စကားအဆုံးမှာ မေးဖျားကို အားထည့်ပြီး ဖျစ်ညှစ်လိုက်တဲ့ ကိုကိုစော။
" သိန်းနှစ်ဆယ်နဲ့ရင်းပြီး မင်းရဲ့ အောင်မြင်မှုတွေ
ကျရှုံးခံတော့မလို့လား... သံသာသိမ့်! "" အာ့! ကို ကိုကိုစော က ဘာကိုပြောချင်တာလဲ "
" မဟုတ်တဲ့ သတင်းတွေတင်ပြီး ငါ့ဘဝထဲကို ဝင်လာဖို့ လုပ်နေတဲ့... မင်း ဘဝကို ငါက အောက်ဆုံးအထိရောက်အောင် ဆွဲချပစ်မယ်လို့.. ပြောနေတာကွ "
ကိုကိုစော စကားကြောင့် သိမ့် ထိတ်လန့်တုန်လှုပ်
သွားရသည်။တကယ်ဆိုရင် သိမ့်အနေအထားက ကိုကိုစော
စကားတစ်ခွန်းလောက်နဲ့တင် ပျောက်ကွယ်သွားနိုင်တဲ့ အနေအထားမျိုးပါ။ဘာနောက်ခံမှ မရှိတဲ့
အခက်အခဲတွေ ပြည့်နေတဲ့ သိမ့်ဘဝသည် ကိုကိုစော ပိုင်တဲ့ မဟော်အန်တာ တိတ်မန့်မှာ မော်ဒယ်အဖြစ်... ရွေးချယ်ခံရပြီးနောက်မှာမှ အရာရာ အ
ဆင်ပြေလာခဲ့တာပါ။နောက် ကိုကိုစော က သူနဲ့
ချစ်သူပုံစံမျိုး ခဏလောက် ဟန်ဆောင်ပေးဖို့
တောင်းဆိုလာခဲ့သည်။သိမ့်သည် ကိုကိုစော ကို
တိတ်တိတ်လေး သဘောကျနေသူမို့.. တောင်းဆို တာကို လိုလိုလားလားနဲ့ လက်ခံပေးခဲ့သည်။ဖူးခက်ကမ်းခြေမှာ နှစ်ယောက်တွဲပြီး ဓာတ်ပုံရိုက်
ရုံလေးကို သိမ့်အတွက် ကိုကိုစော က တိုက်ခန်းတစ်ခန်းနဲ့ သိမ့်ရဲ့ ကားကနည်းနည်း ဒိတ်အောက်
တာမို့... ကားသစ်တစ်စီးလည်း ဝယ်ပေးခဲ့သည်။အဲ့လိုဝယ်ပေးတာတွေအပေါ် လောဘတက်ပြီး...
သိမ့် သတင်းထောက်ကို ငွေပေးပြီး မဟုတ်တာ တွေကို တင်ခိုင်းလိုက်မိတာ။အခုတော့... သိမ့် လုပ်ရပ်ကို ကိုကိုစော က ဒေါသအကြီးအကျယ်ထွက်နေပြီလေ။