عـنـان الـمـدمـر -جاري التعديل-

عنان المدمر الحلقه السادسه عشر

بقلم فاطمه ابراهيم 🤍✨
روايه عنان المدمر الجزء الاول 🤍✨

"مــتــنــســوش التصويت اللي بـيـشـجـعـنـي هو والكومنت"🤍✨
_______________________________________

هدير بصدمه :
" عنان !"

عنان بخبث:
"ايه مالك هو انا جيت في وقت غلط ولا ايه !! دا انا حتي جيبالك شكولاته"

اردفت هدير بتوتر من هذا الموقف المحرج :
"هــا !"
عنان وهي تدخل :
"ها ايه بس ، «تصنعت الصدمه قائله» ،ايه دا حسام ! «اتجهت نحوه وحضنته قائله » ، وحشتني والله "

نظرت لهم بصدمه و أحست و كأن احدهم يقوم بعلي دمائها اردفت سريعاً :
" نعم انتو تعرفوا بعض !؟"

اردف حسام بتعجب مما فعلته تلك الحمقاء:
" ايوه احنا ءاا !! " ، قاطعته عنان قائله بمرح ..

" يا بنتي دا الحته الشمال"

هدير :
" بجد والله بدام هو الحته الشمال ،حضرتك جي تتقدملي ليه "
تمتم حسام بغضب :
" الله يحرقك يا عنان انا قلت انتي هتبوظي الجوازه"

هدير بغيره حاولت مداراتها :
" كمان مكنتش عايزها تقولي ،و بتدعي عليها "

حاول حسام مداركه الموقف حتي لا تخرب شقيقته كل شيء :
"مالك بس يا حببتي دي تكون"

عنان و هي تتصنع الصدمه قائله بحزم :
"حببتي يا ولد ، كده طب استني لما تكتب الكتاب يا اخي !"

اردف بحنق :
"بت انتي تخرسي خالص"

اردفت هدير بحزن ظاهر بنبرتها :
"مالوش لزوم بقي كتب الكتاب دا "

عنان وهي تكاد تجلس علي الأرضية من كثره الضحك

هدير بتذمر  :
"انتي بتضحكي علي ايه !!"

تحدثت عنان بصرامه :
"كده بتكلمي عمتك بالطريقه دي و الله عيـب "

اردفت الأخري بغباء :
"عمت مين يا بت أنتِ"

عنان بصرامة :
"لا لا عيب كده لما تكلمي عمتك اخت جوزك يكون باحترام ، مش بيقولوا  لازم تحترمي عمتك انا ابقي عمتك الحربايه "

هدير بصدمه :
"اخت جوزك !! هو انتو"

زفر حسام الصعداء قائلاً :
"ايو احنا زي ما فهمتي ، عنان اختي "

هدير :
"بس انت مقلتليش انها تكون اختك"

قهقهت عنان ضاحكه:
"اي خدمه اديه قالك اهو"

هدير :
" أنتِ يابت بتعملي عليا حوار ، و تكلميني امبارح وعايزه اشوفك ضروري ، يا هبله"

حسام بتعجب :
"هو انتو تعرفوا بعض ؟!!"

اردفت الفتاتان معاً :
"اها"

عنان بضحك :
"يا سبحان الله ، فاكر يا حسام يوم ما خدت علقه في الشركه"