عـنـان الـمـدمـر -جاري التعديل-

الحلقه الخامسه والثلاثون ❤️

هتڪتشف إن الحب الأول كان تجربه مِش حب وهتكتشف كمان إن مفيش حاجه إسمها الحب الأول والأخير وان الحب الاول ماهو إلا درس تتعلم منه ازاي تحب وان فِ حاجات زي الأمان والتفاهم والتوافق العقلي أهم بكتير من الحب ، الحب مش للحبيب الأول الحب للأفضل للأصدق للي بيخاف علي زعلك واللي مقدر وجودك كويس أوي،الحب للناس الناضجه واللي بيقدِموا كل حاجه بإخلاص ، ❤❤❤❤❤❤❤❤❤❤🥰↻"".
      البارت الخامس والثلاثون
#عنان_المدمر.
#فاطمه_ابراهيم.
#الكاتبه_الصغيرة.
ذهبت رحمه وجلست بجانب إسلام علي الفراش وهي تحرك يدها بحنان علي وجنته و تنظر له بحزن علي منظره المثير للشفقه.
رحمه: يا تري فيك ايه يا حبيبي ، انا يعني هصدق كلام الدكتور دا لو عقلي صدقه قلبي مش مصدقه وحاسه ان فيك حاجه مش كويسه حاجه تاعبه قلبك وقلبي معاك حاجه خلتك تبكي لحد ما عنيك تورم بالشكل دا وقبلت عينيه الاثنين بحنان وظلت جالسه بجانبه شارده فيما قد يكون حدث له منتظره استيقاظه.
بعد مده لا تعلم اهي ظلت دقائق ام ساعات علي جلوس رحمه بجانبه،فجأه..
قال إسلام بهستريا وهو يحرك رأسه.
إسلام: تاااااااااااااالا ، رحــتي فــين وسبتيني لوحدي ، تالا ارجعيلي تاني.
انصدمت رحمه بشده ولم تشعر بابتلال وجنتها اثر الدموع التي غرقت فيها عندما سمعته ينادي علي اسم فتاه اخري مجهوله بالنسبه لها..
رحمه وهي تهز رأسها بالنفي وقد تشكلت غصه بحلقها وتحاول تكذيب ما سمعته ، ولكن ما قد ألمها اكثر هو صراخ إسلام مجددا باسمها وهو يجاهد في فتح عينيه.
انتفض جسد إسلام من الفراش وكأن لدغته أفعي ..
إسلام ببكاء مثل الاطفال: انتي فين يا تاااالا انتي فين يا قلب اخوكي.
شحب وجه رحمه كشحوب الاموات من الصدمه وأخذت تكلم نفسها.
_ايعقل ان لديه اخت ، ولكن أين هي ، ولماذا هو منهار هكذا وعند هذه الفكره انتفضت رحمه ذاهبه إليه محتواه بكلتا ذراعيها وهو فقط ينطق اسمها بهستريا و ينتفض داخل حضنها ، ظلت تربط علي ظهره وتقول له بعض الكلمات المهدئه فهي لا تعرف عن ماذا يتحدث، ولكن الاهم هو ان يهدأ.
اخذت تربط علي ظهره وذراعيه بحنان،وتهمس بأذنه بكلمات مهدئه قائله:
اهدي يا حبيبي ، هتلاقيها انشاء الله، اهدي بس عشان تعرف تلاقيها.
بعد هذه الكلمات بدأ في انتظام انفاسه قليلا ، حتي استكان بين ذراعيها مثل الطفل الصغير ،وهو مازال يبكي بهدوء .
اخذت تملس علي شعره بحنان ودموعها هي الاخر تغرق وجنتها .
تكلم إسلام بهمس يكاد مسموع : ااااه يا قلب اخوكي كل السنين دي وانتي عايشه وانا معرفش ، يا تري عايشه ازاي كل دا.
رفع نظره الي رحمه وهو يبكي بحرقه مما جعل ألم قلبها يزداد علي منظره ذات الوجهه المتورم والعيون المتورمه حمراء اللون ، والانف قاتم الاحمرار ،و وجنتين مليئه بالدموع .
رفعت رحمه اصبعها تزيل هذه الدموع المتعلقه في عينه .
إسلام : كل دا وهي عايشه وانا معرفش ،حاسس ان قلبي بيتقطع ، حاسس ان روحي بتروح مني ، كل دا وانا معرفش انها لسه عايشه،ياتري انتي فين يا تالا ،ياتري انتي فين يا قلب اخــوكـي.