"For Doctor"

အပိုင်း ၇

ဆောင်းတွင်းချိန်ခါမို့ တစ်နယ်လုံး
ချမ်းအေးနေသည့်အချိန်အခါပင်
သို့သော် ဒေါက်တာစိမ်းမှာတော့
ချစ်သူလေးရဲ့အနွေးဓာတ်ကြောင့်
နွေးထွေးကာကြည်နူးနေရပြန်သည်

စိမ်းကိုဖက်ထားပြီးတစ်ဖွဖွနမ်းရှိုက်သည်
သူ့ရင်ခွင်ထဲခိုလှုံရချိန်တွေကိုတော့
စိမ်းမည်သည့်အရာနှင့်မျှမလဲနိုင်ပါ

:ကလေး~ မင်းမနက်ခင်အစောကြီးသွားရမှာမလား

:အွန်း

ပြိုင်ပွဲဝင်ဖို့အတွက် ဘန်ကောက်ရုံးချုပ်ကို
သွားရမည်ပြောသည်

ဒီကလေးကို စိမ်း မသွားစေချင်

:မသွားလို့မရဘူးလား တို့မင်းအနားနေဖို့
ပိတ်ရက်ကသိပ်မရှိဘူးလေကွာ

မေ့ာကြည့်ကာပြောတော့စိမ်းနဖူးနှင့်
လွိုင်းနှုတ်ခမ်းလေးမှာထိကပ်လို့သွားလေသည်

:ပြန်လာရင် အချိန်ပြည့်
အနားမှာရှိနေပေးမယ်လေနော်
ဒီတစ်ခုတော့ခွင့်ပြုပေးနော်

ခွင့်တောင်းသည့်လွိုင်းကိုမော့ကာကြည့်ရင်း
စိမ်းခွင့်မပြုချင်ပြုချင်နှင့်သာ
ခေါင်းငြိမ့်လိုက်ရတော့သည်

ထိုအခါလွိုင်းမှာစိမ်းကိုမေးစေ့လေးမှမော့စေကာ
နှုတ်ခမ်းတို့ကိုနမ်းရှိုက်သည်

စိမ်းမှာထိုက​လေးရဲ့အနမ်းကိုခေါင်းမော့ကာခံယူရင်း
သူ့ခါးလေးကိုပြန်ဖက်ထားမိသည်

:မင်းဒဏ်ရာမရလာစေနဲ့နော်

:ကိုယ့်အ​ပိုင်ဆရာဝန်မလေးရှိနေတာ
ဘာကိုတွေးပူနေမလဲ

:မင်းဒဏ်ရာတွေကို
တို့ဆေးကုပေးရတာ
ရင်နာရတယ် သိရဲ့လား

:အင်းပါ ကိုယ်ကတိပေးတယ်လေနော်

:ကတိပျက်ရင် မင်းကိုတို့ခွင့်မလွတ်ဘူး

:ဟုတ်ပါပြီ အချစ်ရယ် နာခံပါ့မယ် ဒီကလဲ
အခုတော့ဖက်ထားပါရစေအုန်း

စိမ်းကိုပိုတိုးလို့ဖက်ကာသူ့ရဲ့အငွေ့အသက်တို့ကို
စိမ်းကိုယ်ပေါ်သို့လွှမ်းခြုံစေသည်
စိမ်းရဲ့မျက်နှာအစိတ်အပိုင်းမှန်သမျှကို
တမြတ်တနိုးနှင့်အကြင်နာတို့ချွေချပေးသည်
စိမ်းရဲ့လက်ဖဝါးနုနုကိုဆုပ်ကိုင်ရင်း
သူ့ရင်ခွင်ထဲမှာစိမ်းကိုပွေ့ဖက်ထားသည်