Take a Sip (Love Potion Series #1)

Chapter 29: Opening my heart

Ciera's POV

"Kasalanan mo kasi! Sorry ah? Deserve mo rin naman 'yan kasi shunga ka!"

'Yan ang unang mga sinabi ni Mellisa matapos kon ikuwento sa kaniya ang nararamdaman ko kay Callum pati na rin ang mga nangyari noong nakaraan.

On the way na rin kami sa birthday party ni Lavin na gaganapin sa isang resort na pagmamay-ari din ng kanilang pamilya. One day ahead ang birthday party ni Lavin dahil nais niyang salubungin ngayong gabi ang kaniyang birthday ng saktong 12 am.

Oo, gabi nanaman ang party, pero ito ay kainan lang at katuwaan, walang halong inuman, kung mayroon man siguro ay slight lang hindi tulad noong birthday ni Callum.

Ngayon lang din kami nagkaroon ng pagkakataon na makapag-usap ni Mellisa. Kung hindi pa nga kami sabay na pupunta sa birthday ni Lavin ay malamang sa susunod pa kami makakapag-usap.

"Oo na, kasalanan ko na," inis kong sabi. "Pero kasalanan ko ba na late ko na napagtanto ang nararamdaman ko para sa kaniya?!"

Binigyan naman ako ni Mellisa ng isang mapanghusgang tingin na ani mo ba'y hinuhusgahan niya ang buo kong pagkatao.

"Oh? Bakit ka ganiyan makatingin? Hindi ko naman kasalanan na wala akong alam sa pag-ibig ah? Hindi ko naman kasalanan na medyo shunga ako pagdating sa ganoong bagay!" depensa ko sa aking sarili. "Makatingin ka naman diyan pang ako lang ang tanga sa pag-ibig."

Akala mo naman kasi kung makatingin siya expert siya sa love eh kapag nga nagkakaroon siya ng boyfriend ay hindi sila nagtatagal. Kung hindi ako nagkakamali, ang pinakamatagal lang na relationship ni Mellisa ay umabot ng 2 months, 'yon lang.

"Excuse me?! Paalala ko lang sa'yo ah? Marami akong alam sa love!" pagmamayabang niya pa.

Aba! Ngayon niya pa ako yayabangan! Akala mo talaga expert siya!

"Hoy babae! Papaalala ko lang sa'yo ah? Two months lang ang pinakamatagal mong relationship!" pagkontra ko naman sa kaniya.

Umiwas naman siya ng tingin na para bang guilty talaga siya sa sinasabi ko.

Napangisi naman ako dahil sa kaniyang naging reaksiyon, "Oh? 'Di ka yata makapagsalita? Tama naman ako ah?" pang-aasar ko sa kaniya.

"At least sikat na artista 'yon!" nahihiya niya namang sabi. "Nakabingwit ako ng artista! 'Yon ang mahalaga! Tsaka ang guwapo kaya no'n!"

Hindi ko na napigilan pa ang aking pagtawa nang dahil sa kaniyang sinabi.

"Oo na! Ikaw na ang nagkaroon ng ex na sikat, artista, guwapo, at mayaman!" natatawa kong sabi.

"Oo! Buti pa ako may ex na ganoon! Samantalang ikaw shunga na nga sa pag-ibig, no boyfriend since birth pa!" pang-aasar naman niya sa akin.

Ouch ah! Aaminin ko medyo nakaka-offend 'yon!

"At least sikat din ako! Mayaman din ako at maganda! Tsaka magaling sa negosyo!" pagdepensa ko sa aking sarili.

"Oo na! Ikaw na ang magaling! Kaso puro nga lang trabaho ang alam mo, kawawa naman magiging boyfriend mo," natatawa niyang sabi.

Aba! Grabe na ah! Inaasar ko lang naman siya kanina tapos ngayon ako naman ang inaasar niya?!

"Pero seryoso, Ciera? Gusto mo na talaga si Callum? Parang noong nakaraan lang si Lavin ang gusto mo ah?" seryoso niyang tanong at binigyan ako ng isang taas kilay na tingin.

Mukha ba akong nagsisinungaling?

"Oo naman! Sigurado ako! Sabi ko naman sa'yo na nahulog ako dahil sa mga efforts ni Callum!" confident kong sabi.