ბაბუა ბერნარდის სახე, რომელიც მუდამ ანათებდა, შემოდგომის ფოთლებთან ერთად ჭკნობას განაგრძნობდა. ჩემი თვალები მის თვალებთან ერთად შეიცვალა და ჩემში არსებულ აციმციმებულ ვარსკვლავებს დაძინება ერჩიათ.
- რას ამბობთ... ბაბუა ბერნარდ?..
- ნაიარა, გუშინ ღამით ისიც ალისებრებთან იყო. დარწმუნებული ვარ, ის იყო!
- თუ ნიღბის ქვეშ იყო და სახე არ უჩანდა, საიდან მოახერხეთ მისი სახის გარჩევა?
- ჯიბის საათი... მას ის ჯიბის საათი ჰქონდა, რომელიც საბეჭდ მანქანასთან ერთად აიღო.
ეს ყველაფერი მაინც არ ამტკიცებდა იმას, რომ ეს რენი იყო.
- ბაბუა ბერნარდ, სულ რამდენნი იყვნენ?
- შვიდნი. ერთი დანამდვილებით მათი ლიდერი იყო. განსხვავებული ნიღაბი ჰქონდა...
- მაინც, როგორი ნიღაბი?
რაც უფრო მეტ კითხვას ვსვამდი გუშინდელ ღამეზე, ბაბუა ბერნარდის ბაგეებზე მით უფრო მეტ მღელვარებასა და შიშს ვხედავდი.
- წითელი, საზარელი ნიღაბი. შავი ხაზებით. ხაზები მხოლოდ ნიღბის მარცხენა მხარეს იყო...
ეს ის ადამიანია, რომელმაც ჩემს სახლში შემოჭრა სცადა, მაგრამ რაღაც უცნაურია.
- დაახლოებით რომელ საათზე მოვიდნენ?
- განსხვავებულნიღბიანი გაცილებით გვიან მოვიდა.
დანამდვილებით ის იყო. ადამიანი, რომელიც ჩემს სახლში შემოიჭრა, სავარაუდოდ ალისებრთა ლიდერი იყო!
- ბაბუა ბერნარდ, ვეცდები ყველაფერი მოვაგვარო.
მოულოდნელად ბაბუა ბერნარდმა ახალი მშვილდი გამომიწოდა. ულამაზესი ხის მშვილდი, რომელსაც ორივე კუთხე წითლად ჰქონდა შეღებილი. შესაფერისი ისრებიც მომცა.
- ნაიარა, ეს ახალი მშვილდი შენთვის გავამზადე. ისრებიც შესაფერისი აქვს და "N" ასოც ამოვტვიფრე. ჯამში 30 ისარია.
DU LIEST GERADE
ნიღბების სამყარო
Abenteuerნაიარა, რომელიც ყოველ წუთსა და წამს უფსკრულის შთანთქმას ელის, მასში მებრძოლი სული იღვიძებს. არისტოკრატთა პერიოდი, ქვეყნის გათავისუფლებისთვის ბრძოლა და თავბრუდამხვევი სიყვარულის ისტორია მებრძოლ ქალბატონსა და იდუმალ მამაკაცს შორის.