قريري العيون

البارت الخامس عشر

مساء الورد والياسمين عليكم فراشاتي 🦋🖤

قريري العيون 

بقلم زهراء علي

ممكن تعليق للفقرات وتصويت+متابعه

مشاهده ممتعه.

"""""""""""""""""""

ورده

رجعنا من لمرعئ ورتاحينه ردت انام

ام ورده:   ابوج يريدج لاتنامين

سرى الخوف بجسمي
ورده:  شيريد ابوي مني

ام ورده:  والله مادري هوه كال صيحي لورده اندري بيه شعده وياج هسه امشي وشوفي شيريد بله

ورده: يابه والله اذا على زواج مازوج لوادري شوف شنهي كافي والله مليت من هل سيره الي كل يوم تعيد وزيد

ام ورده:  لسانج اكصه الج  والله شعدج ماتزوجين كافي شليتي حالي هسه لومن البدايه قابله بغيث ماصار الي صار اشو كل لبنيات الي بعمرج زوجن ومكيفات وفرحانات اله انتي ذنيج بنات خالج ٤وربعتهن زوجن وطايرات من الفرح وضحكه شاكه لحلك ومكيفات
وأنتي مكدره ٢٤ ساعه وكل مااحد جاب طاري الزواج كلبتيها مناحه هم الي ميت الها واحد مو مثلج
شوفي حالج شلون صاير بطنج وضهرج سوه شوفي وجهج شلون أصفر يلعب النفس هاي حال وحده بعد الزواجها شهر

ورده : مازوج مازوج احرك روحي ومازوج يله

خليت ودرت وجهي وكمت ابجي امي خلت وطلعت
شويه ورجعت

ام ورده:  يله ابوج يريد ينام تعالي يصيحلج

لتفت الها شفتهه شايله دولكه زغيره مال ماي

ورده:   كليله تعبانه من الحلال الي ماينعد ومجبود كلبها من الركض وره حلالك و نايمه

ام ورده:  ولج شو انتي لسانج طولان كومي لا كسر راسج
هاج غسلي وجهج من الدموع لا يشوفج ابوج

ورده :خليه يشوفني واذا شافني

ام ورده:  هاج شربي من هذا لماي  مقري عليه

ورده: ماريده موعطشانه

إم ورده: ورده  فدوه يمه شربي منه اذا تحبيني انا اليوم كلبي يوجعني لا شلعين كلبي حته ماماكله ليوم

نكسر كلبي على أمي وكلت هيه شنو ذنبهه هوه ابوي الي يأمر عليها أخذته منها وشربت منه  ورجعته الها

إم ورده:  افتحي ايدج خلي اخليلج بيه ماي وغسلي وجهج

مارديته وماحجيت اخذت وغسلت وجهي وبقت شويه امي شمرته عليه بقوه على وجهي حته شهكت من الصدمه

ام ورده:  هاي رشيت حيل حته طيبين
ورده: يمه شبيج شبيج ولله كرهتيني بروحي  انا مو مريضه

صاح ابوي  وينج ام حازم
نقبض كلبي بسرعه
ام ورده  شوفي ابوج يصيح عليج كومي يله لزمت ايدي واخذتني كوه لغرفه ابوي
دخلنه للغرفه
أبوي رفع راسه