قريري العيون

البارت اثنان واربعون

مساء الورد والياسمين عليكم فراشاتي 🦋🖤

قريري العيون

بقلم زهراء علي

ممكن تعليق للفقرات وتصويت+متابعه

مشاهده ممتعه

..........

ورده

وصلت حنان يمنه وانا حاطه گلبي بشيشه حته لاتغثني ماعايزه ضيم انا وقهر

حنان: الله يساعدج ورده

ورده:  ومرحبا

كلت بكلبي الله يستر هسه شراح اسمعلي من حجايه

حنان :صدك صارلج سنه زعلانه تحجي وتبتسم بخبث

ورده:  ايي

حنان: وابنج صار هنا غادي تحجي وتباوع على باسم

ورده: لا هنا اجيت حامل اليه ٤ أشه

حنان: هنيالج حبلتي بسرعه وجبتي ولد جا مثل حضي

ورده: الله كريم ان شاء الله يصير عدج ولد

جانت تتمايل بروحها كدامي وتلف بكذلتهه على أصبعها
وتباوعلي مدري شلون

حنان: اكلج وليش زعلتي شنهي السبب لازم سلام يدور نسوان وانتي زعلتي بس اي حگه يدور عليج لان شكلج ميساعد. يكلولي ابن عمي يخبل وهيبه وانا هم شفت صورته بتلفون. محمود اخوي
ابد مويمج هوه وين وانتي وين جنج كطف جكاره

تحجي  بخبث وادري بيها تريد تقهرني بأي طريقه

حنان:  هوه عسكري ويكولون العسكري يخرب على نسوان
يعني ابو نسوان ويدور عليج وساقط وسرسري وعفتيه وجيتي زعلانه لهلج

كلامها نرفزني وخلاني افور من الغضب

ورده: حلگج اترسيه تراب وسديه وطاري سلام لا تجيبينه
شو متستحين شنو هل حجي عاشرتيه انتي وعرفتي كل هل صفات بيه..

انا حته لو سلام خاني وشفته بعيني بس مستحيل انطي بيه كدام احد لو اشوه سمعته يم احد وخصوصاً يم حنان الي تريدله بس طرف خبر عن حياتي حته تكوم تعلج بيه

ورده: وسلام رجلي وابو ابني ومعدل وماتطلع منه الشينه الزمي حدج من تحجين. وشغلت زعل مثل ماجنتي انتي يوميه تزعلين انا هم زعلت. والعوائل ماتخلئ من لمشاكل

حنان: على كيفج عيني على كيفج اكلتيني بدون ملح كل هذا على مود سلام ياريت ميت عليج صارله
اكثر من سنه شامرج شمرت الجلاب وممقلدلج
ردفت وهيه تتصنع البراءة بكلامها

حنان: حبيت اتشاقه وياج كلت خلي اشوف ورده ترضى احجي على سلام لولا اشوف شنو ردت فعلج. لاكن سرعان متحولت لبركان هائج من الغضب وكالت

ماادري بيج سلام شابعج ********ومخليج متتحاجين مادري بيج ضكتي ال********وطلعلج لسان وصرتي تراددين نهجم بيتج عبالي مثل كبل فاهيه وحلكج يلزك
ثاريج طلعتي كح........ ولسانج شطوله وانا عبالي فقيره وكلشي ماتعرفين اثاري طلعتي داهيه سوده وسلام
بس رفع ثوبه يمج كبل حبلتي من ساعتج
جانت تحجي وهيه ترتعش عليه بغضب