قريري العيون

البارت سبعه وثلاثون

مساء الورد والياسمين عليكم فراشاتي 🦋🖤

قريري العيون

بقلم زهراء علي

ممكن تعليق للفقرات وتصويت+متابعه

مشاهده ممتعه

ثم يفاجئك لحن، فتعود بك الذكريات 🖤

.......................

نوارس

توجهنا للكراج بعد ما أخذنا تكسي. نزلنا لزمت الجنطه بآيد وبيبي بأيد اباوع الكل توجهت إلنا.
هذا الكال عماره وهذا الكال بصره وهذا كال نجف. بس تخطيتهم أدور علئ سياره لكربلاء أكيد ماراح اخذ خاصه إلنا بس يادوب تكفي فلوسنا مشيت أدور واسئل إله

لكيت توجهت للسياره جانت جبيره ماعرف اسمها بس مو كوستر او شي إتفقنا عالسعر وصعدنه.
خليت الجنطه يم رجلي وبيبي بصفي السياره لسه ممقبطه. انتظرنا بالنص ساعة ماكو ملل وتذكرت

مماخذين شي للطريق صح مو طويل بس ميخالف أخذت بس مي ونزلت أجيب نساتل وعصاير.
أدور بوجهي ع أسواق شي اخذ منه شفت من بعيد محل زغير رحت أخذت وكملت وانا راجعه لمحت سامر

بالازدحام رأسا دار وجها من شافني أباوعله. رحت باتجاها وضيعته فجأه اختفه معقوله أتخيل واذا سامر ليش ماجه حاجاني ماتوقع هوَه هسه بالكليه  رجعت للسياره وانطلقنا قريت الفاتحه لأم البنين لتسهيل الطريق.

وصلنا نزلنا إنا وبيبي بعيد عن الامامين كلش وإنا ماندل. ضليت بس افهي بعيوني شورطني إنا
قويت نفسي وأخذت نفس ميخالف نوارس شكو بيها

هاي ناس وياج اسئل واندل لزمت بيبي والجنطه ومشينه مسافه باتجاه السيارات مادري صراحة وين رايحه واذا كأن هذا الطريق الصحيح اباوع البيبي تعبت كوه تمشي هسه إنا وين أمشي عبالي أوصل وهيه ماكو ريحة زياره أجواء شي أشرت التكسي من بعيد وكف باوعت

نوارس: توصلنا للإمام

عبالي يگول قريب أو مايحتاج شو هذآ يگلي أي 10 الكروه

نوارس : حيل شدعوه خويه هوَ هذا الإمام بس الحجيه مابيها تمشي وكفناك تساهل وياي

السايق :خويه ياهذا غير ٢٠ دقيقه بالسياره وإذا تردين روحي مشي تصير عليج ساعه.

نوارس :لا ياابن الطرگه هذا وين نزللنه غير ينزلنه يم الأمام.
صعدنه وصلنه حاسبته ونزلت مشينه مسافه وي الناس شوي وشفت الگبه. بيبي ضلت تبجي لعد شكد طاك كلبها. الحمدلله ربي لأن رزقتها ورزقتني هاي الزياره. دخلنا للتفتيش وبعدها هم تفتيش الي بالحضره. بيبي كدامي ازدحام وسره طويل فتشو بيبي وفوتتهه كتلهه انتظري لين الجنطه بأيدي هيه مبيها شي بس جبت عباء لخ البيبي وفوطه إلها وانا شال خاف أحتاجه. فتشتني بس بكل قوة  صارت أديهه ع بطني وخصري وتدغدغت وطكيتها ضحكه بدون وعي إنا أموت إذا إحد دغدغني ولو بالغلط.