قريري العيون

البارت عشرون

مساء الورد والياسمين عليكم فراشاتي 🦋🖤

قريري العيون

بقلم زهراء علي

ممكن تعليق للفقرات وتصويت+متابعه

مشاهده ممتعه.

البارت كله لورده 💙🦋مثل مطلبتو

"""""""""""""""""""

ورده

صار العشا صبو لنسوان تعشن وانا كاعده بعدني
الوجع بعده بيه بمثانتي وضهري
اسمع مرت خالهم تكول اخذنها للغرفه خطيه خل ترتاح
شويه
ام سلام: لاخيه ابو سلام يزفهم سويه

اجت امي يمي

ام ورده: ورده بعد ماوصيج خوش

ورده :اي

اجت مرت عمي

ام سلام: يله يكول ابو سلام خلي نزف العرسان الغرفتهم
مروه تعاي غطيها لايدخلون الولد وياهم

إنا ضليت مصدومه شلون راح ننجمع انا وياه بغرفه وحده شكول شحجي

والاهم من هذا اذا كمت من مكاني البدله اكيد راح تكون مدمره
ياربي ساعدني وعدي هاي اليله على خير يارب دخيلك لا

تخلي احد يشوفني كلبي احسه راح يوكف من الخوف

شويه ودخل هوه وأخوه الزغير وابوه وولد وياهم كم واحد

يهوسوله وهوه خالاته ضلن يهوسن وياهم
ذبو لحم يردحون رفعت راسي باوعت لكيته فرحان والضحكه شاگه الحلك يركص وياهم
شويه واجه يمي لزم ايدي ويباوع عليه ويبتسم ويريد ياكلني بعيونه
اخذ ايدي وامي شايله لبدله من وره اول ماكمت وتحركت من مكاني طفت الكهرباء
طلع تلفونه هوه وضوانا بيه راد لمن تشتغل لكهرباء يله يصعد بس عمتي كالت كملو طريقكم على الموبايل لا توكفون بضلمه
صعدنا وانا فرحت لان طفت الكهرباء وصارت ضلمه ومحد يشوف بدلتي من وره حمدت ربي وشكرته لان استجاب دعأي بهاي اليله

قبل لانصعد انا اسمعه. التفت ليوره وحجه بصوت ناصي

سلام: يلا رحيم سامر. وين اجيتو تردون تصعدون ويانه يله هذا حدكم صرعتو راسي يله فترو ورجعو نتهت مهمتكم نشكركم
على حضوركم بهاي المناسبه السعيده

رحيم: ليش ضلعي تطردنه ان شاء الله تمسح ايدك بل حايط داعوت واحد مضلوم محروم كول امين سامر ههههه

سلام: نجب لك لا نعل والديك يلا ولوو

همه بقو يدعون عليه وهوه يسب بيهم صعدنه

دخلتني امي واشرتلي بعيونهه عود توصيني

دخلت هوه رافع البدله كعدت علئ الجربايه كعد هوه بصفي ونفسه عاالي حيل

سلام: مبروك كومي بدلي اكيد محتره من البدله
بقيت ساكته ماريد احجي خايفه
راح هوه يم الميز وكام ينزع بملابسه
وإنا ضليت كاعده رجع عليه