قريري العيون

البارت السابع وخمسون

مساء الورد والياسمين عليكم فراشاتي 🦋🖤

قريري العيون

بقلم زهراء علي

ممكن تعليق للفقرات وتصويت+متابعه

مشاهده ممتعه

.............

فراشات لو البارت البعده لوالوراه البارت الاخير 🥺❤️🫶

5000

باركولي نيات روايتي قوارير موحشه دخلت 100الف

💝

......................

نوارس

نزلت كعدت يم خالتي وانا گلبي بنار وارجف

وادعي دك تلفون خالتي ضلت تحجي شويه وتغيرت

ملامح وجها وتصيح ليش ليش شبيهم شصاير

وانا اريد بس تسده حته اسئلها نشف دمي

سدته وهيه تصيح

نوارس :شنو شبيج خاله منو هذا

ام اكرم: ام ضرغام هسه عارضتني تكول اكرم مدمي ضرغام اتدمي وتعاتب ليش مسوي بيه هيج ولو درو اخوانه وابوه مايسكتون بس ضرغام ماكال تكول شمسوي بوجها

ضلينه انا وياها نبجي وبالي الف احتمال كلت عرف ولله دره اكرم

دزيت رساله لضحئ تدزلي رقم شهد لان ماعدي وستغربت لان ماعدي دزته الي وكبل صعدت فوك اخابر

رن عدت مرات يله رفعت خط

شهد: الو منو

نوارس: انا صخام نوارس شهددد شمسوين

شهد: شبيج شنوو

نوارس: لاتخبليني شنو شنو اكرررم وين دره ليش راايح ضارب ضرغام ولج راح تخبلوني

شهد: شنووو يعني اكرم دره عزه العزاني تصخمنه

انا ردتها تشرحلي الصاير ضلت تبجي وترجف وتصيح راح يكول لااهلي ويموتوني

ضلت تحلف مااخلي اكرم يكول شي

خليت وكطعته انا بياحال انا اريد افهم الصاير

لليل واكرم ماكو وخاله ضمت السالفه ووصتني لحد مانفتهم من اكرم الصاير

وندك علئ اكرم مايرد
صارت ب10وهوه ماكو

ضلت شهد تتصل مالي خلگه وارفضه بعدهه ضلت دز رسائل وتكول ولله انا معليه همه خالطينج بلسالفه ولله مادري

بسرعه تصلت

نوارس: وين خالطيني منو همه ولج

شهد: ضرغام مهدد نور حته تجيه وهيه يم زوجها وماقابله وصايرتلهم مشكله نور شتسوي تكول المن وتريد تخلص منه وذبتها بس بروسنه وخلطتج ويانه حته تنتقم من ضرغام وختارت اكرم حته توگع بينهم