مساء الورد والياسمين عليكم فراشاتي 🦋🖤
قريري العيون
بقلم زهراء علي
ممكن تعليق للفقرات وتصويت+متابعه
مشاهده ممتعه
"لولا صلابة الاضلع لخَرج القلب من مكانه🖤"O+S
.............
نوارس
واكرم هم نعس ونام كتله خلي راسك علئ جتفي ميقبل يكول أذيج
بعدين خليته يغفه ودنيت عليه ميلت راسه علئ كيف ورفعت نفسي خليته علئ جتفي مجان جايني نوم
شويه غمضت عيوني وماحس بس صار ارتطام قوي وصار ضغط علي ماحسيت بشي بعد
كعدت علئ اصوات جهاز يمي ومخدره ماحس بشي عيوني مسدودات ماشوف شي تحركت شويه صارت اصوات يمي ويحركون بيه نشال الشي من عيوني الي جام مغطيهم واحد يفتح بعيوني ويحجي وياي بس الصوت بعيد عليه ماسمع افتح عيوني مغوشات
ضلت تفتح الصوره شويه شويه
وضحت عين وحده والثانيه ضلمه
باوعت ملتمين عليه دكاتره وممرضين يحاجون بيه سمعهم الدكتور يكلي تسمعينه نوارس التفت عليه
الدكتور: تشوفينه
ضليت استذكر انا وين منو ذول شجابني هنا
الدكتور: نوارس تشوفين
حلگي يابس ماكدر احجي
جاب قطن بي مي قطر بحلگي قطرات بللت بلعومي اليابس
وحجت بصوت كوه يطلع ومبحوح
نوارس: انا وين
الدكتور: كلشي مابيج لاتخافين بس كولي تشوفينه
نوارس: بس بهاي العين هاي ضلمه
ضل واحد يباوع للثاني
استذكرت بسرعه الحادث ورجعتنه اكرم اكرم وينن
نوارس: اكررررررم وووووين
ضليت اصيح بصوت متجرح وهزيل
الدكتور: لاتخافين مابي شي زوجج بلغرفه الثانيه وذول اهلكم بره راح نحولج للغرفه الثانيه حته تشوفينهم اهدي
الدكتور رجع لف عيني الماشوف بيها وجانو مخلين لزقات علئ صدري شالوهن
وطلعوني من هاي الغرفه وشفت بلباب ازهر وغيث وابن عمهم
اتقدمو عليه يمشون وره السديه دخلوني بغرفه وانو افتح واسد بغير عالم رأسي بي صوت وخبصه واردد بداخلي اكرم وينك
ضلوو يمي واكفين الممرضه بدلتلي المغذي جسمي ماحس بيه
طلعو وفاتت خالتي وام مرتضئ وخالي ابو اكرم والولد
خاله حضنتني وضلت تبجي وخالي يحجي عليها يكلها ائذيتيها
خالي: الحمدلله علئ سلامتج بابا نوارس
YOU ARE READING
قريري العيون
Romanceمن أين ورثنا هذا البؤس ؟ سلطناه على أنفسنا بأنفسنا ثم نمنا داخل السعادات الكاذبة قريري العيون ومنتشين بأوهامنا وإخفاقاتنا الدفينة. بحكم عاداتـهم وتقاليدهم ضْلمت وردة، هـل سيجبر الله قلبـها بما كُتب لها، سنشاهد ونعـيش مع ابطال قصتي "ورده"و "سلام " خـ...
