قريري العيون

البارت الرابع وعشرون

مساء الورد والياسمين عليكم فراشاتي 🦋🖤

قريري العيون

بقلم زهراء علي

ممكن تعليق للفقرات وتصويت+متابعه

مشاهده ممتعه

بارت هديه

"""""""""""""""

ورده

طلعت من الغرفه وانا ابجي
كرهته وكرهت نفسي لان ماتحملت وعليت صوتي عليه لان هوه أذاني رحت غسلت
ورجعت للغرفه كلت خاف يطردني مره ثانيه
من دخلت لكيته يحجي بتلفون بس بصوت ممسموع او مفهوم
حته مدارلي بال بس باوع عليه وكام طلع من الغرفه

مشطتت شعري وخليت شال على راسي ونزلت

نزلت نضفت ورتبت وسويت ريوك البنات بالدوام
للضهر يله نزل وصاح غده وينج
صبيتله غده وكعد يتغده بلهول ويمه عمتي كاعده

انا  الوجع مايروح مني خصوصاً من ادخل للحمام
متت اجن البنات وعمو وسامر تغدينه
وهوه صعد نام مارحت يمه ضليت جوه والعصر
نزل ينتر علي ويتأمر  ماحجيت وياه ولاعارضته شيكلي اسوي خله وطلع

بليل اجت خالتهم وبتها عذراء

صعدنه فوك بغرفة البنات مريم ضلت جوه تدرس بغرفة امها  لبنات

نزلت رواء تجيب حلويات النه

عذراء :شنو نوع العطر الي تستخدميه

ورده :ماأعرف اسماء العطورات والي موجود على الميز اخلي منه

طلعت عطر من ست.........
عذراء: انا استعمل من هذا هاج شمي شلون طيب

رشت منه كم رشه عليه
بس ريحته ماطيبه تلعب النفس
كمت اكح وعقشت وجهي

ورده: يعع شو مطيب هذا

عذراء:  لا بل عكس يخبل اسفه خاف  صار. عندج تحسس روحي غسلي وجهج وتعاي بسرعه
وانا على نياتي كمت اغسل بوجهي حيل خاف يطلع حب  روحي كامت تلعب منه
اجت. رواء شايله ببسي ونساتل وكرزات

روا  :يله تعالن جبتلكم على حسابي اليوم
دخلت غرفتهن وانا رحت على غرفتي ابدل دشداتي تنكعت

شفت الباب مفتوح عبالي سلام جاي دخلت لكيت  عذراء ترش علئ الفرشه من العطر نفسه
شافتني وكمزت وضمته

عذراء: اا هههههه شفتج لعبت نفسج كلت خلي اشاقيج حته تكومين تكفرين بليل وضحكت
بس ضحكتها احس  مو من كلبها مال وحده مليانه حقد
يله انا  رايحه يم. رواء تعاي موتضلين هناا
بعدها تحجي واجت رواء
رواء: شنو وين رحتن
عذراء: اي اجينه
راحن
لكيت الباب مال كنتور مال سلام  مفتوح كلت يجوز وحده لو هوه فتحها من بدل بدلت ورحت  يمهن

بعدين اجه سلام وهنه بعدهن
اجه فتح الباب علينه  محدد لحيته ومزين

سلام: السلام عليكم
ردينه كلنه