قريري العيون

البارت الثالث وخمسون

مساء الورد والياسمين عليكم فراشاتي 🦋🖤

قريري العيون

بقلم زهراء علي

ممكن تعليق للفقرات وتصويت+متابعه

مشاهده ممتعه

يالمعوضني كل تعبي
شجازي عيونك الحلوة
شجازي الكبل لا أعثر
يكلي أندارلك فدوه

.............

رواء

رواء: رحيييم رحيييييييم شبيك لاتعوفني رحيييم

تريد تموت اخذني وياك احلفك بعشگنه اكعد

وگع من اديه للكاع وهوه عيونه عليه ودموعه ينزلن

ركضت وانا اصرخ لفوك وكعت مرتين من الدرج ومره علئ حنجي حسيت نكسر العضم ركضت لغرفة سامر

رواء: سااااااامررر ووولك سامر اكعد

فز سامر مرعوب واجت ورده تركض علئ الصوت

سامر: شنوووو شنووو شبيج

رواء ابجي وعياط: رحيم اجه ينتضركم بلستقبال ووگع من طوله وخشمه ينزف دفعني سامر ونزل يركض واحنه وراه

لكينه رحيم ماكو لاحس ولانفس والدم ينزف من خشمه وجها اصفر

سامر: رحييييم رحييييم شبيك

طلع سامر يركض لجوارينه يشيله وياه

سامر: فوووتن جوه

دخلت جوه وانا الطم واكمززز ورده لازمتني وتبجي

ورده: ان شاءالله مابي شي ولج رواء كافي لاتفاولين عليه وتصيحين مات

طلعوه اخذوه بلسياره واحنه نبجي

فقدت الوعي مادري بروحي كعدت علئ ورده تطش عليه مي

رواء: رحيممم رحيم وينه

ورده: ولج رواء لاتخبليني كومي علئ حيلج

كمت وانا افتر بالطرمه وابجي وادعي ياربي فدوه اروحلك بس خلي يشتم الهوئ كلشي ماريد من الدنيا

ركضت لتلفوني جبته اتصل علئ سامر مايرد

اتصلت علئ سلام كم مره وعباله اسئله علئ خالي

سلام: ها حنوشه احنه راجعين. خالي زين بس امي بقت بالمستشفئ شوي تجي ويا خالتي

رواء: سلاام سامر اخذ رحيم للمستشفئ وكع

سلام: شنووو شنو وكع يمته وين شبي

رواء: من طلعتو اجه سئل عليك وبعده انتضر سامر يجون وراكم ووگع بلستقبال وخشمه ضل ينزف واتصل علئ سامر مايرد

گطع الاتصال سلام

وانا بقيت بنار ورده تروج لجهالها وترجع يمي تهدي بيه