• 𝐏𝐀𝐈𝐍 𝐎𝐅 𝐋𝐎𝐕𝐄 • | 𝐓𝐚𝐞𝐊𝐨𝐨𝐤 | ᶜᵒᵐᵖˡᵉᵗᵉ

|14|

ජන්කුකුයි ගුකීයි රෑ ඇදට වෙලා හිටියේ.. ජන්කුක් ඇදේ හෙඩ් බෝඩ් එකට හේත්තු වෙලා , ගුකී ජන්කුක්ගෙ ඔඩොක්කට වෙලා අද දවස ගැන කියවනවා... රෑ දොලහත් පහු වෙලා තිබ්බත් සතුට වැඩි කමට ගුකීටනම් නිදාගන්න සිහියක් නෑ..

" දැන් නිදාගමු මැනික ... හෙට නර්සරි යන්නත් ඕනෙ නේද... තව හිටියොත් අපි දෙන්නම උදේට සොම්බි බබාල දෙන්නෙක් වගේ ඉදී .."

ගුකීගෙ නහය මිරිකලා කීව ජන්කුක් ගුකීවත් බදාගෙන කොට්ටෙට ඔලුව තියාගත්තෙ ගුකීත් ජන්කුක්ගෙ පපුවට තුරුල් වෙනකොට .. ටික්කින් ගුකීට නින්ද ගියාම ජන්කුක් ගුකීගෙ බෙල්ලට උඩින් දිලිසෙන නෙක්ලේට් එක උස්සලා ගත්තෙ බලන්න... මේක ටේහ්‍යොන්ග් බෙල්ලට දාපු වෙලේ ඉදන් හරි ආසාවෙන් ඇදුම ඇතුලේ පරිස්සමට තියාගෙන හිටිය විදිය ජන්කුක් දැක්ක...

මාලෙ දිහා බලන් හිටිය ජන්කුක් පෙන්ඩන්ට් එක දැක්කම මේක කොහෙ හරිම දැකලා හොදට හුරු ගතියක් දැනුනා.. ඒ කොහෙද කියලයි ජන්කුක් කල්පනා කරේ... " කොහෙද .. කොහෙද.. මම මේක දැක්කේ... අහ්.. නෑ ..වෙන්න විදියක් නෑ.. හොස්පිටල් එකේ තිබ්බ එක නෙවේ නේද... ඒක මේක වගේමයී.. ඔව් මට හොදට මතකයි... ම්ම්..." නෙක්ලේට් එක දැක්ක තැන මතක් උනත් ඒක කීයටවත් වෙන්න විදියක් නෑ කියලා ජන්කුක්ට හිතුනේ ..

.

.

.

උදේ ගුකීවත් නර්සරි එකට දාලා ජන්කුක් බයික් එකේ කම්පැනි එකට එනගමන් කල්පනාවකින් හිටියේ...

morning...

අදත් උදේම ඇවිත් තිබ්බ පාර්සලේ අරින්නේවත් නැතුව ස්ටෝර් රූම් එකට දාන්න හැදුවත් කවදාවත් නැතුව උඩ පොඩි ස්ටික් නෝට් එකක් අලවලා තිබ්බා.. ඒ , " දරුවත් එක්ක සමරපු අන්තිම උපන්දිනේට සුබ පැතුම් " කියලත් " අනිවාරෙන්ම මේක ඇරලා බලන්න " කියලාත් ලියලා තිබ්බ නෝට් එක...

ඒ කියන්නෙ මේව එවන්නෙ හොදටම ජන්කුක් ගැන දන්න කෙනෙක් .. මොකද ජන්කුක් මේවා කවදාවත් අරින්නෙ නෑ කියලා දන්න කෙනෙක් .. පාර්සලේ වෙව්ලන අත් වලින් ඇරපු ජන්කුක්ට ඒක අතෑරුනේ ඇතුලේ තිබ්බ දේ දැකලා...