رُبما ذات شتاءٍ بين غيم ومطر سنلتقي .

20

دخلو البنات السكن واُردفت كادي : غريبة ماهاوشتي حُـور عشان موضوع الحمل او قلتي شيء وكانه شيء طبيعي.
العاتي ناظرتها وبهدوء : مابي أضغط عليها يكفي ان النذل أعتدى عليها وحملت منه لو ضغطت عليها وهاوشتها وقلت وو وش بستفيد؟ البنت بتتعب أكثر كذا وانتو اللي يمسكم يمسني ولا ودي وحدة تتأذى من شيء خصوصا انتِ بداتي تنشهرين والكل يعرفك واخاف هالشرهه تكون عليك شّر مابي تتاذين منها وبنفس الوقت مابي امنعك من حلمك انا ماقلت نهرب من أهالينا والا انا ابي راحة بالكم ابي تحققون أحلامكم بدون خُوف بدون هم حتى أبو حُـور كان بيذبحها يوم عرف بس ان النذل أعتدى عليها معنو الذنب ذنبه هو اللي متسلف منه ولا انتي أهلك حتى شكلهم مايدرون انك هربني اهخ كنت أتمنى نعيش حياة أفضل من كذا كنت أتمنى نكون زي أي بنت بهالحياة بس الله ماكتب لنا نعيش براحة بس وعد دامي صرت انا المسؤوله عنكم مابيمسكم شيء بخليكم تحققون أحلامكم وتسوون كل شيء بس بحدود الدين مابي تسوون شيء غلط ويكون ذنب عليكم وربي مره اخاف عليكم وكانكم قطعة من رُوحي.
حضنتها كادي واُردفت بهدوء : ياجعلني ماخسرك بيوم..
-
عند ميهاف فتحت جوالها ودخلت التيك توك وهي تكتب: اللي أعطيت مدرستي رقمك وجيت وقلت اني زوجتك تعال خاص الله ياخذك حبيتك " ..
نزلت الفيد وبعد نصف ساعة فتحت التيك وانصدمتتت من الرسائل! ابد ماكانت تحسب بيضرب بدات تقراء الكومنتات ومن ضمنهم كومنت " الله ياخذك بعد انتي رجعي قلبي ياتبن! " ..
ضحكت بقوة وهي تدخل للخاص وبدأت تكتب له: تعال وخل كلامك للمدير حقيقي
رد عليها " بخليه حقيقي بس وينك فيه وينك يابنت! "
ردت بضحكة: مو من جدك !
رد " قسم بالله بجي بس هاتي رقم ابوك اي شيء ماتحمل قلبيّ معك "
ردت " وش يضمن لي ؟"
رد " اللي يضمن لك هُو كلامي للمُدير "
ردت : بس كلامك الكل يقدر يقوله ابي فعل
رد : وانا وش بسوي قلت هاتي رقم أبوك
سّمت بالله وأعطته وطلعت لصالة وفِعلا دقايق ودق جوال أبوها ناظرت له وهو رد : هلا والله يابو عتاب أرحب
ابو عتاب: البقى
صنمت بمكانها صمتتت شلون ابوها يعرفه!
ابو عتاب : فاضي اليوم بجيك
ابو ميهاف: اي فاضي حياك الله البيت بيتك يابوي تنور
ابو عتاب: زين شويات وانا عندك