رُبما ذات شتاءٍ بين غيم ومطر سنلتقي .

32

نزلت شنطتها بـ استغراب ومارفصت طلبه وهي تجلس جنبه وتحضنه ولازالت مستغربه من دموعه وكلامه!
عبدالعزيز أبعد من حضنها وبهدوء وهو يلعب بايده : كذبت على ابوي وقلت اني متزوج.
العاتي : نعم! شلون وكيف وش المطلوب من ذا يعني؟
عبدالعزيز: طاح فيني ضرب لين ماشبع وقال بكرا يبي يشوف زوجتي التفتت عليها وهو يناظرها: تكونين زوجتي بس لاجل يمشي الوضع وماتزوج بنت عمي اللي مو راضيين يستوعبون انها حقت عيال !
العاتي : بس..
عبدالعزيز: مابي بس تكفين قولي يـ اي يـ لا.
العاتي تنهدت ونطقت بعد دقايق بهدوء : تمام.
عبدالعزيز: وقلت له ان زوجتي حامل يعني مثلي انك حامل جد
العاتي : ايش! انت وش وراك وراك بلا أمش نتكلم داخل افضل
عبدالعزيز: ابي اشم هواء خلينا هنا أفضل
العاتي : تمام يلا قول اللي عندك
عبدالعزيز: من واحنا صغار يقولون عبدالعزيز لا لميا ولميا لـ عبدالعزيز ولما كبرنا جد كنت احمل لها مشاعر لكن هي لا وبيوم أكتشفت انها تطلع مع عيال بس ماتكلمت مابي مشاكل معاهم ولما ابوي خطبها لي بدون علمي ورفضت طردني من البيت وصارت هوشه وقدرت ادبر وضعي يعني الحمدلله واليوم يوم رحت اشوف امي بعد أنقطاع أعتقد أكثر من ٨ أشهر جلس يتكلم وضربني وللحين موجوده الكدمات بظهري
العاتي : كلنا ننضرب كلنا يصارخون علينا ويسوون اشياء تكرهنا فيهم بس مهما كان ذا أبوك كنت رضيت بالأمر وتزوجتها وادبتها أنت حرام البنت كذا بتضيع زيادة محد وراها ولا احد يعرف اللي تسويه..
عبدالعزيز: انا ادري بس هي ماتناسبني حتى شخصيتها مره ضعيفه وتصدق الرايح والجاي وانا مابي كذا ابي شخصية مُقاربه لي شخصية قوية ماتثق بأحد ماتهتم لكلام الناس.
العاتي بنفسها : كانه يقصدني ذا!..
عبدالعزيز: على العموم بجي أخذك بكرا
العاتي : اوكِ