Unicode
" ထစမ်း ! ထစမ်း ! ! ထစမ်း ! ! ! "
တင်ပါးပေါ် တဖြန်းဖြန်းရိုက်နှိုးသည့်
မားမားလက်ဝါးချက်တွေနှင့်အတူ
သူ့မနက်ခင်းဟာ အစပြုလာပါပြီ ။
" ဘာတုန်း မားမားရာ !
ဒီနေ့ကျောင်းပိတ်တယ်လေ "ခေါင်းအုံးအောက်ထဲ ခေါင်းသျှို၀င်လိုက်ရင်း ညည်းညူမိတော့ ထပ်အရိုက်ခံရပြန်သည် ။
" ငါ့ကို စျေးလိုက်ပို့ပေးစမ်း ! "
" မပို့ချင်ဘူး~ အိပ်ချင်တယ်~ ကျို့ကျို့နဲ့သွား "
" မသွားဘူး နင်နဲ့သွားမှရမှာ ရှေ့အိမ်က
ကောင်လေးဆိုရင် သူ့အမေကို မနက်တိုင်း
စျေးခြင်းတောင်းလိုက်ဆွဲပေးတဲ့အပြင် နေမပူအောင်လည်း ထီးမိုးပေးသေးတာ ဘယ်လောက်တောင်လိမ္မာလိုက်သလဲ နင်နဲ့များတခြားစီ ! ! ! "" အာ့ဆိုလည်း ရှေ့အိမ်ကကောင်လေးလို ကလေးတစ်ယောက်ထပ်မွေးလိုက်ပေါ့
မားမားရာ အိပ်ချင်လို့ပါ တော်ပါတော့ "ခေါင်းအုံးစနှစ်ဖက်ကို တင်းနေအောင်ဆုပ်ပြီး နားကိုတတ်နိုင်သလောက်အုပ်လိုက်တယ် ။ မှေးကျလာတဲ့ မျက်လုံးတွေက ပြန်အိပ်ပျော်ခါနီးပြီ ။
" ငါ့ကို စျေးလိုက်ပို့မလား ? ! မပို့ဘူးလား ? !
၀မ်ရိပေါ် နင့်မုန့်ဖိုးတွေအကုန်ငါ့လက်ထဲမှာနော် "ငေါက်ခနဲထထိုင်လျက်သားဖြစ်သွားတဲ့ ခန္ဓာကိုယ်ဟာ လျင်မြန်စွာပဲ တုံ့ပြန်တယ် ။
" ဟဲဟဲ ခုချက်ချင်းပြင်ဆင်လိုက်ပါ့မယ်ခင်ဗျ ! "
အလေးပြုသလိုပါ လုပ်ပြလိုက်တော့ မဲ့ပြုံးကြီးဖြင့် ကြည့်ပြီးအခန်းထဲမှ ထွက်သွားတဲ့ မားမားဟာ ဒီလိုမျိုး ခြိမ်းခြောက်သွားခဲ့သေးတယ် ။
" တစ်လစာ မုန့်ဖိုးဖြတ်ခံမထိချင်ရင် ကြပ်ကြပ်သတိထားနေ ၀မ်ရိပေါ် ! " တဲ့ ။
အခန်းတံခါးပိတ်သွားတာနဲ့ စိတ်တိုတိုဖြင့် စောင်တွေကို ခြေထောက်နဲ့ကန်ထုတ်ပစ်လိုက်တယ် ။
ပါးပါးက ဘာလို့သူ့မိန်းမကို ရှိသမျှပိုက်ဆံအကုန်အပ်ရတာလဲ ? ခုတော့ အနိုင်ကျင့်ခံနေရပြီ ဟင့် !
____________________________
YOU ARE READING
What's Wrong With My Heart ( Completed )
Fanfictionကိုယ် ကြည့်မရတဲ့အစ်ကိုကြီးဟာလည်း တစ်နေ့ ကိုယ် ကြည့်မ၀တဲ့အစ်ကိုကြီးဖြစ်လာနိုင်ပါတယ် ။ ကိုယ္ ၾကည့္မရတဲ့အစ္ကိုႀကီးဟာလည္း တစ္ေန့ ကိုယ္ ၾကည့္မ၀တဲ့အစ္ကိုႀကီးျဖစ္လာႏိုင္ပါတယ္ ။