Unicode
" ဒါက ဘယ်တုန်း ! "
" သူငယ်ချင်းတွေနဲ့မုန့်သွားစား...."
" ပိတ်ရက်တိုင်းကို အလေလိုက်ဖို့ပဲတတ်တယ် !
တစ်ရက်တလေများ အိမ်မှာနေပြီး အမေကို
ကူဖို့ဘာညာကျမတွေးဘူး ရှေ့အိမ်က ရှောင်ကျန့်လေးဆိုရင်..."လာပြန်ပြီ ! အဲ့ဒီ ရှောင်ကျန့်လေးပဲ ! ရိပေါ်တော့ပြီးခဲ့တဲ့တစ်ခေါက်က စျေးမှာ အဲ့အစ်ကိုကြီးနဲ့စသိကတည်းကနေ နေ့တိုင်းနီးပါးဆက်တိုက်ကို အဲ့နာမည်ကြီးမကြားချင်မှအဆုံး ကြားနေရတာပဲ ။
မိုးလင်းတာနဲ့ ရှောင်ကျန့်လေးဆိုရင်...ဘယ်လိုလိမ္မာကြောင်းနဲ့စပြီး မိုးချုပ်ထိလည်း ရှောင်ကျန့်လေးက မိဘကိုအရမ်းသိတတ်တာဆိုပြီး ပြောမပြီးတဲ့ မားမားကြောင့် နေရင်းထိုင်ရင်း သူ့မှာ အဲ့အစ်ကိုကြီးကို ကြည့်မရတဲ့ရောဂါဖြစ်လာတယ် ။
" ဟိုမှာကြည့် သူ့အမေကို ပန်းပင်စိုက်ကူနေတာ "
" မားမားက ဘယ်တုန်းက ပန်းပင်စိုက်ရတာကြိုက်လို့လဲ ? စိုက်ပျိုးရေးနဲ့ငါဆိုတာ ပေါင်းစပ်လို့ကို မရဘူးလို့ မားမားပဲပြောဖူးတာလေ ! "
" လျှာမရှည်နဲ့ ! ကြည့်ဆို ကြည့်လိုက် သူများသားသမီးတွေဘယ်လိုလိမ္မာလဲဆိုတာ ပြနေတာ "
အတင်းတွေ လက်ညိုးလှမ်းထိုးပြနေတဲ့ မားမားကြောင့် လမ်းမ,ခြားတဲ့ ရှေ့အိမ်ဆီ မျက်လုံးကရောက်သွားတယ် ။
" အတုယူထား ! ! ! "
နဖူးက ချွေးစလေးတွေကို လက်ခုံနဲ့ ဖိသုတ်လိုက်တာက အစ မြေဆွဖို့အတွက် ဂေါ်ပြားလေးကို ထိန်းကိုင်ထားရာက အလယ် ပန်းမျိုးစေ့တွေကိုမြေကြီးထဲထည့်မြုပ်လိုက်သည် အဆုံး လှုပ်ရှားမှုတစ်ခုချင်းစီတိုင်းက အသက်၀င်နေတဲ့ ပန်းချီကားလှလှလေးတစ်ချပ်လို့ပဲ ဆိုပါဦးတော့ !
သူကတော့ အဲ့အစ်ကိုကြီးကို ကြည့်မရပါဘူး !
" ဟဲ့ ! ဟဲ့ ! သား ! ၀မ်ရိပေါ် ! ! ! "
" ဟင်...ဟမ် ဘာလဲ မားမား ? ! "
" နင့်ဘောင်းဘီအိတ်ထဲက ဖုန်းမြည်နေတယ် ! "
" အာ~အာ ဟိုကောင်တွေနေမယ် "
ခုမှ ဆူညံနေတဲ့ ဖုန်းသံကို ကြားမိပြီး ဖုန်းထုတ်လိုက်တော့ မားမားက စိတ်လေသလိုပြောတယ် ။
YOU ARE READING
What's Wrong With My Heart ( Completed )
Fanfictionကိုယ် ကြည့်မရတဲ့အစ်ကိုကြီးဟာလည်း တစ်နေ့ ကိုယ် ကြည့်မ၀တဲ့အစ်ကိုကြီးဖြစ်လာနိုင်ပါတယ် ။ ကိုယ္ ၾကည့္မရတဲ့အစ္ကိုႀကီးဟာလည္း တစ္ေန့ ကိုယ္ ၾကည့္မ၀တဲ့အစ္ကိုႀကီးျဖစ္လာႏိုင္ပါတယ္ ။