Unicode
ရယ်လိုက်ရင် မှေးကျဥ်းသွားတဲ့ မျက်အိမ်တွေနဲ့အတူ ကော့တက်သွားတဲ့ နှုတ်ခမ်းစွန်းအောက်က မှည့်နက်လေးကို သူဒီရက်ပိုင်း အကြောင်းမဲ့လိုက်ကြည့်နေမိတာ အတော်ကြာပြီ ။
" ပျော်ပျော်နေ သေခဲ
မော်တော်နေ ရေထဲ
အိမ်မှာနေ အမေဆဲ " တဲ့ လောကကြီးအလယ် တစ်နေ့တစ်နေ့ ဘာတွေများ ပြုံးရွှင်နေလဲမသိတဲ့ ရှောင်ကျန့်ဆိုတဲ့အစ်ကိုကြီးက ထူးခြားပါတယ် ။
" အဲ့တော့ ဆံပင်ဖားလျားကြီးနဲ့ ကတုံးမကြီးက မင်းကို ရယ်ပြတယ်ပေါ့ ! မေဘေး ကတုံးမမှာ ဆံပင်ဖားလျားဘယ်လိုလုပ်ရှိမလဲ သိပ်နောက်တဲ့ကောင် ငါ အကောင်းမှတ်လို့နားထောင်နေတာ ! "
အခန်းထဲမှာ အဲ့လိုပဲ နောက်တီးနောက်တောက် ကောင်တစ်ကောင်တော့ အမြဲရှိတဲ့အခါ ဝိုင်းအုံနေတဲ့လူတွေကြားမှာ အဲ့ကောင်ရဲ့မရယ်ရတဲ့ ဟာသတွေက ပေါ်ပြူလာဖြစ်တယ်ဆိုပါတော့ ။
" ဟ ! ထိပ်မှာပဲ ပြောင်နေပြီး ဘေးမှာ ဆံပင်တွေဖားလျားကျတဲ့ ကတုံးမလည်း ဖြစ်နိုင်တာပဲကို "
" တော်စမ်းပါကွာ သောက်ပေါမလုပ်နဲ့ ! "
ကြောင်နဲ့ကြွက်လို ရန်ဖြစ်တတ်တဲ့ ကျောင်းသားနှစ်ယောက်ကြောင့် ရယ်ပွဲကျတဲ့အခါ ရှည်မျောမျောအရပ်နဲ့တစ်ယောက်သောသူဟာလည်း ခိုးခိုးခစ်ခစ် !
စာသင်ခန်းအမိုးကို ပွင့်ထွက်သွားမတတ် ရယ်တဲ့ အတန်းထဲက မိန်းကလေးတွေနဲ့ကွဲပြားလွန်းစွာ ယုန်သွားလေးတွေ စီစီရီရီဖြင့် လှလှပပရယ်မောတတ်တဲ့ အစ်ကိုကြီးက သူ့ကိုပြုစားနေပြီထင်ရဲ့ !
" အစ်ကို့မျက်နှာ တစ်ခုခုကပ်နေလို့လား "
ကိုယ့်မျက်နှာကိုယ် လက်ညိုးထိုးပြလာတဲ့ အစ်ကိုကြီးက သူစိုက်ကြည့်နေတာကို မြင်တော့ ဒီလိုမေးလာခဲ့တယ် ။ သူ့မျက်ခုံးအစုံတို့ဟာ ထိလုမတတ်ကျုံ့သွားပြီးနောက်.....။
" မရယ်နဲ့ ! ! ! "
" ဟင် "
သူတို့အတန်းထဲမှာ ဒီအစ်ကိုကြီးကိုမှ ကြိတ်Crushနေကြတာရော ပေါ်တင်ပိုးပန်းနေကြတာရော အစုံပလုံရှိတယ် ။ အဲ့မျက်လုံးတွေက အရပ်မျက်နှာတိုင်းမှာကို လိုက်ကြည့်နေကြတာ !
YOU ARE READING
What's Wrong With My Heart ( Completed )
Fanfictionကိုယ် ကြည့်မရတဲ့အစ်ကိုကြီးဟာလည်း တစ်နေ့ ကိုယ် ကြည့်မ၀တဲ့အစ်ကိုကြီးဖြစ်လာနိုင်ပါတယ် ။ ကိုယ္ ၾကည့္မရတဲ့အစ္ကိုႀကီးဟာလည္း တစ္ေန့ ကိုယ္ ၾကည့္မ၀တဲ့အစ္ကိုႀကီးျဖစ္လာႏိုင္ပါတယ္ ။
