GANDELOUNE
The Prophecy of The Tyrant Emperor
ARC I : A Controversial Adoration
Chapter 1: Rishelle, the magic genius I
Gemsparks Empire, Main Palace
Autumn | Imperial Year 1610
"Kailangan ba silang imbitahin, Aaron?" tanong ng isang babaeng may mapulang buhok at matang kahel ang kulay. Nakatalikod siya mula sa pintuan at nakaharap sa nakaupong lalaki na hinihilot ang pagitan ng kanyang mga mata.
"Hindi natin pwedeng ipakita sa iba na mayroon tayong ayaw imbitahin, alam mo 'yan Veronica." sambit ni Aaron. Pinadausdos niya ang kanyang kamay papunta sa kanyang pilak na buhok at ang ginto niyang mata'y tiningnan ang babaeng nakatayo sa harap ng kanyang mesa.
"Pero..." Bahid sa mukha ni Veronica ang pagaalala at ikinuyom nito ang kanyang kamao. "...tayo ang sinisisi nila sa nawawala nilang anak.." mahinang sabi nito, lungkot ay maririnig sa kanyang tono.
"Hindi natin kasalanan ang nangyari." Tumayo ang lalaki sa kanyang upuan at nilapitan ang babae upang yakapin ito.
"Wala pa rin bang balita?" tanong ni Veronica kay Aaron.
"Hindi ko pa natatanggap ang bago nilang report, ngunit ayon sa isang pinadala ay may natunugan silang kakaibang nangyari kaya't paniguradong pinuntahan na nila iyon," bulong ni Aaron at kumalas sa kanyang yakap.
Tumingin si Veronica sa mesang puno ng papel na puro pangalan ng mga aristokrat, nobles, at mga namumuno sa iba't ibang lugar. "Wala na talagang ibang magagawa?" tanong niya
"Kung imbitahin natin ang mga namumuno at hayaan silang magdala ng gusto nilang isama?" sambit ni Aaron at tumingin sa papel na hawak ng kanyang asawa.
"Ngunit ilan?"
"Mas mabuti kung dalawa na lamang."
"Paano kung isama nila sila?"
"Alam nila ang nangyari kaya't paniguradong hindi nila isasama ang mga 'yon."
"Ah, oo nga pala, napagisipan mo na ba ang ireregalo sa ating anak?"
A child who's eavesdropping near the door turned around and slowly walks away from the emperor's office. She held the leather-covered book, with a golden dragon-print, tightly as she takes her steps.
"Nakausap na po ba ng Prinsesa ang Emperador at Emperatris?" nakangiting tanong ng isang bantay na kawal matapos nitong tumungo sa prinsesa. Nagbabantay ito na may kalayuan sa opisina ng Emperador.
"Mukhang nag-uusap pa po sila ni Ina kaya sa susunod na lang po," sambit ni Alina at ngumiti. "Ayaw ko po silang abalahin sa kanilang usapan. "
"Oh.. Ipapalam ko po ba na dumayo ang Prinsesa?" tanong ng kawal.
"Hindi na po. Maaabala pa po kayo! " alalang tanggi ng prinsesa rito at umiling.
"Nako, Prinsesa Alina, hindi po kayo nakakaabala ngunit kung iyan po ang kagustuhan ninyo ay susundin ko." nahihiyang sabi ng kawal.
Ngumiti ng malaki ang prinsesa, na nagngangalang Alina, sa kawal at tumakbo habang winawagayway ang kanyang kamay. "Paalam!"
Tumungo ang kawal sa direksyon ng natakbong prinsesa. Ang kulot na pilak na buhok nito'y kumikislap sa tuwing nasisinagan ito ng liwanag ng buwan.
Nang di na marinig ng kawal ang tapak ng prinsesa ay umayos siya ng tayo. Ilang segundo pa'y kumunot ang noo nito sa direksyon ng prinsesa bago iiling ang kanyang ulo, tila'y inaalis ang iniisip sa kanyang ulo.
"Natakas talaga ang mga bata kadalasan," sambit nito sa kanyang sarili nang mapagtanto nitong walang kasamang tagapag-lingkod ang prinsesa.
•••
YOU ARE READING
Gandeloune: The Prophecy of The Tyrant Emperor
FantasyWalang nakakaalam ng mangyayari sa kinabukasan ngunit bakit tila'y takot ang lahat? Ano nga bang nangyari? Sino ang biktima? Sino ang may sala? ARC I Description: Nagmula si Rishelle Delauctor sa pamilya ng mga commoner. Masaya at kuntento na siya...
