GANDELOUNE
The Prophecy of The Tyrant Emperror
ARC I : A Controversial Adoration
Chapter 5: Tampellere of the South-East
Main Palace's Back Garden
Winter 1610 | Same Day
Hinipan ni Avarica ang kanyang mga kamay dahil sa lamig. Tummingin siya sa langit at pinagmasdan ang mga nyebe na bumagsak. Itinaas niya ang kanyang kamay na nakasuot ng kulay rosas na guwantes at inabangang malaglag ang nyebe sa kanyang kamay.
Ngayon lang siya nakaranas ng taglamig dahil walang panahon ng taglamig at nyebe sa kanilang dating tinitirahan. Puro malamig na hangin at ulan lamang ang nararanasan niya sa buwan na ito.
"Ngayon lamang kita nakita. Saang pamilya ka nabibilang?"
Tumingin sa likod si Avarica at nakita ang dalawang babae na halos kasing edad niya. Ang isa sa kanila ay may kahel na kulay ng buhok at ang isa ay may blonde na buhok. Nagtaka ito sa knyang nakita. Bakit may ibang bata sa hardin? Hindi ba at si Prinsesa Cassiopeia at Prinsipe Liwan lamang ang anak ng emperador at emperatris?
"Hello?" pagtawag ng may kahel na buhok sa atensyon nito. "Saang pamilya ka nabibilang?"
"May panrinig pa ba siya?" bulong ng babaeng may blonde na buhok na hindi masyadong naintindihan ni Avarica dahil sa limitado nitong kaalaman sa lenggwahe ng Gemsparks at pari na rin sa mahina na pagbulong nito.
"Ah.. dito?" pagsagot ni Avarica. Nagtaka ang dalawa sa sagot nito. Sa pagkakaalam nila ay hindi kulay rosas at hindi rin maitim ang balat ni Prinsesa Alina. Hindi pa kasi nila ito nakikita dahil kadalasang nasa mga taas na palapag lamang ang prinsesa at tanging ang unang palapag lang ang pwedeng pag galaan ng mga hindi bumibisita sa palasyo. (1)
"Ikaw ang prinsesa?" tanong ng isa na may blonde na buhok.
"Oo..." kahit nagtataka ay sumagot ng oo si Avarica. Sa pagkakaalam niya ay kapamilya siya ng Imperial family kaya't hindi ba ay prinsesa rin dapat siya?
"Huh? There's no way." sambit ng babaeng may kahel na buhok.
"Nakita mo na ang prinsesa, Rachel?"
"Hindi pa ngunit sabi ng aking ama ay may pilak na mata at buhok ang prinsesa, Janine." sambit ng babaeng may kahel na buhok na nagngangalang Rachel.
Tumingin kay Avarica ang babaeng may blonde na buhok na nagngangalang Janine. "Bakit ganyan ang kulay ng balat mo? Archaic elf ka ba?" takang tanong nito dahil sa maabong kulay ng balat nito. Itinaas ni Janine ang ear muffs na suot ni Avarica at nakita ang matulis na tainga nito.
"Oo nga, archaic elf nga siya." May ibang lumapit ng bahagya sa kanila at inusisa ang sitwasyon. Ang mga archaic elf kasi ay may maabo na kulay ng balat at puting buhok.
Ang ibang mga bata ay nakatingin na lamang. Kilala nila si Rachel dahil ito'y isang apo ng Marquis at anak ng kilalang kapitan na nagbabantay ng borders ng Imperyo kaya't ayaw ng mga ito mapasama ang tingin sa kanila.
"Hindi naman ikaw ang prinsesa. Bakit ka nagsinungaling?" tanong ni Rachel habang nakakunot ang noo nito.
'Ano bang pinagsasabi ng mga ito?' isip ni Avarica. Ano bang mayroob at tanong nang tanong ang dalawang iyon? Unti-unti na siyang naiinis hanggang sa mapunta ito sa isang reyalisasyon.
YOU ARE READING
Gandeloune: The Prophecy of The Tyrant Emperor
FantasyWalang nakakaalam ng mangyayari sa kinabukasan ngunit bakit tila'y takot ang lahat? Ano nga bang nangyari? Sino ang biktima? Sino ang may sala? ARC I Description: Nagmula si Rishelle Delauctor sa pamilya ng mga commoner. Masaya at kuntento na siya...
