GANDELOUNE
The Prophecy of The Tyrant Emperror
ARC I : A Controversial Adoration
Chapter 4: Tampellere of the South-East I
Gemsparks Empire, Main Palace
Autumn 1610 | The next day
Captain Hidalgo and his knights are only tasked to find the previous queen consort, Astrid Tampellere and her lady-in-waiting, Sarah. They escaped during the fight between the tyrant emperor named Helios and Aaron, the current emperor.
Sino nga ba si Astrid Tampellere?
Si Astrid ay anak ng isang Count mula sa Duskgem Empire. Ang lola niya'y prinsesa ng Imperial family ng Duskgem. Dahil sa problemang nangyari sa Gemsparks Empire ay tumakas papuntang Earth si Astrid at Sarah sa tulong ng ibang wizard at wizardess (1) upang makapagbukas ng portal papunta sa Earth.
Nang makapunta sila sa Earth ay saka lamang nalaman ni Astrid na dala-dala niya sa kanyang sinapupunan ang anak nilang dalawa ni Helios. Lumaki ito sa isang bansang tinatawag na Pilipinas at ang pangalan niya ay Avarica.
"Gusto mo bang manatili dito? O gusto mo bang sumama sa amin?" tanong ni Astrid sa kanyang anak. Binabantayan sila nina Kapitan Hidalgo at ng Emperador at Emparatris. Dahil may dugong Gemsparks si Avarica, kahit na wala na siyang apilyido ng Gemsparks ay maaari pa rin siyang tumira sa palasyo kaya't pinapapili siya ngayon.
Nagisip-isip si Avarica. Ang pamilya ng kanyang ina ay isang Count at ang kanyang ama ay dating emperador. Dati pa lamang ay ikinukwento na ni Astrid na magiging isang prinsesa si Avarica dahil ang ama nito'y Emperador sa isang malayong lugar ngunit ngayon na nahanap na sila nina Aaron ay mukhang wala na ang kanyang ama.
"Bawal ka po bang sumama? Gusto ko dito..." tiningnan siya ni Astrid na puno ng lungkot. Gusto nitong maranasang mabuhay bilang isang prinsesa dahil na rin sa mga kwento ng kanyang ina.
Para bang hindi naiintindihan nito ang kanilang sitwasyon. Tinanggal na sa pamilya ng Gemsparks si Helios at hindi na rin reyna si Astrid. Isa na lamang apo ni Count Tampellere si Avarica at hindi isang prinsesa. Kung mananatili siya sa palasyo ng Gemsparks ay maaring madawit sa gulo ang kanyang anak.
"Ayaw mo ba talagang sumama?" tanong nito. Kahit na gustong gusto niyang isama si Avarica ay madadamay ang pamilya niya ngunit kung hindi niya ito isasama ay baka madamay ang kanyang anak. Hindi niya alam kung anong pipiliin kaya't si Avarica ang kanyang tinatanong.
Dahan-dahang iniling ni Avarica ang kanyang ulo. Malungkot na niyakap ni Astrid ang kanyang anak at tunayo ng ayos. Sa likod niya ay malungkot lamang na pinanood ni Sarah ang mag ina nang magsalita ang Emperatris.
"Hindi namin siya papabayaan." sambit ni Veronica. Tiningnan siya ni Astrid sa mata at ngumiti na may bahid ng kalungkutan.
"Kumusta ka?" nakangiting tanong ni Veronica sa kanya. Isa nang Emperatris ngayon si Veronica, ang dati niyang kaibigan. Iniling ni Astrid ang kanyang ulo at hindi sumagot.
"Ipapadala ka namin sa iyong ama." ani ng Emperador na si Aaron. "Masyado na siyang nagrereklamo, mananahimik na siguro sila ngayon no?" sinamaan ng tingin ni Veronica ang kanyang asawa dahil sa sinabi nito sa dati niyang kaibigan. Tiningnan siya ni Aaron at iniling ang ulo nito. Kahit na kaibigan siya ni Veronica ay hindi niya ito tatatruhin ng espesyal lalo na't puro gulo lamang ang dinudulot ng Tampellere sa kanilang pamilya simula nang tumuntong sila sa trono.
YOU ARE READING
Gandeloune: The Prophecy of The Tyrant Emperor
FantasyWalang nakakaalam ng mangyayari sa kinabukasan ngunit bakit tila'y takot ang lahat? Ano nga bang nangyari? Sino ang biktima? Sino ang may sala? ARC I Description: Nagmula si Rishelle Delauctor sa pamilya ng mga commoner. Masaya at kuntento na siya...
