قصص عراقيه قصيرة

ليت النوايا ترى 1

‏"ما عشقنا العزلة إلا مِن نفاق الواقع.🖤🥀

#################

قراءة ممتعه للجميع

.............

عندي بنيه اربع شهور مريضه ولازمتها محتارة.
بيها افتر بيتنه كلش جبير تلث طوابق
واليوم.عدنه هواي ناس مسوين حملة يردون يرحون للزيارة .. والاجتماع جان بيتنه لهذا البيت متروس نسوان بعد حملة نسوان
واغلبهن كرايب .. ماكو غريبه

بلبيت وياي بنات عم ابوي اثنين خوات مزوجات ولد عمهم اخوان .. ثنينهم احمد زوجي هم يصير ابن عمهم بس اني اصير بت عم ابوهم كلهم

نطيت بتي لابوها يطلعها برة بس تبجي
وناس وفرة وغدة وهوسه وسوالف البيت كله يدوي من سوالف النسوان . ..

اسمع ابن عم ابوي يسولف لخوات مرته بلهول كاعدين
يكلهن نهبتني اختجن تصرف بلا معنى واني ممقصر وياها بشي .. البارحه جتني مرة للمحل مالتي
تكلي اطلب مرتك مليون .. مال شنو مادري منين تعرف هاي المرة الي طلبت منها ماادري
وين ودت المليون هم مادري

ادري اني خراعة خضرة هنا .. ابتلي اخلي فلوس ماالكاهن بجيبي .. وين جاي توديهن اريد اعرف شسوي بيهن .. تعبتني اختجن .. هنه فشلانات وميكدرن يجاوبنه بس اي ولا ..لان نسوان هواي وميردن المشكله احد يسمع بيها .. رغم هو يحجي بصوت عالي وممستحي من اي احد حسيته
مكبوت ويريد ينفجر

اني بلمطبخ .. وشفت بت اخوها صعدت لغرفتها فوك بلطابق الثالث
عرفت حتنقللها الحجي الگاله زوجها
هاي مجنها عمرها 11 سنه تهجم بيوت
افكر من تكبر وتزوج وتكعد ويه عيال شلون بيها يمكن تخليهم واحد يكتل الثاني اعوذ بالله من هيج بنيه

وهيه فوك طلعت من غرفتها تصيح بعلو صوتها ولك عبيدددداااان اااااابو النسوووووووووااااااااان
سويتني بواگه.. ومطلوبه .. انتَ فكر ابن فكور مخليني اني وجهالي بلضيم لا لبسه مثل العالم لا اكله مثل العالم ...وتفشر عليه وتغلط ..
مدت لسانها بقيت صافنه عليها هاي شلون هيج تكدر تفشر وتغلط علئ زوجها شكد متستحي

هو تخبل ..
راد يصعدلها محد خلاه كلهن لزمنه خواتها

وخواته يغلطلن عليها لان تجاوزت علئ اخوهن وسبت اهلهن الميتين .كدام الناس ومحترمت أحد

فلت نفسه منهن
طلع يركض لوره.البيت عدنه غراض قديمه جابله بوري حديد مال بنكه
ودخل منو يلزمه يريد يطكه بي الكل خاف منه
اني كلت اليوم يموتها مابيها مجال ضلت رجليه يرجفن من الخوف

خواتها بقن يصرخن من شافنه صعد والبيت انگلب
وماعدنه زلم بلبيت طلعو لان.عدنه جمعة النسوان