قصص عراقيه قصيرة

سجينتي .2.

ماذنبنا أن كٌنا صادقين

،،،،،،،،،،،،،

قراءة ممتعه للجميع

........

كعدت يمها علئ الجربايه وبيدي هذا المظلوم من هسه .. . يمه تالين .. كعدي رضعي ابنج
خطيه مات من البجي من رحتئ لهسه
خلصتها عليه مي وشكر ميريد المميه

تالين مطيه ضهري لأمي .. واسمع صريخ ابني
الي كرهته .. . ادري ماله ذنب بس مااعرف ليش
يمكن لان يخص أمجد .. واريد اذب قهري بي

. ولج يمه كعدي اليوم الولد مادري شبي اصفر صاير حيل ..كعدي رضعي بلكت يينزل هذا الصفار مالته بلرضاعه ..

تالين . ابني يبجي واني احس صدري يدر حليب
استغفرة الله هو طفل ماله ذنب بلي يسوي ابوه بيه
افكاري متناقضه
مرة اكول هو هم أبني .. ومرة اكول هذا بذرة امجد

كعدت وارتجيت علئ تاج الجربايه خليته بحضني ..ورضعته اباع عليه صحيح اليوم حيل أصفر وجها .. وعيونه ذبلانه

رضعته وحسيت بعطش.. ماما عفيه كلاص مي

ميصر تشربين مي وانتي ترضعين
يشرگ الولد .. خلصي .. رضاعه وشربي حبيبتي

تالين طلعت أمي من الغرفه .. وبقيت أني
وابني رفعت شعره اسود و سرح حيل عن عيونه .. بيدي ..
اباع كصته سبحان الله يشبه امجد
عيونه خشمه .. ضليت امسح بشعره واتلمس
ملامحه الناعمه .. اشتاقيتله يالله . اشتاقيت
لحبيبي .. وابو أبني .. ..
نزلت دموعي .. واني اتذكر كل لحضه ..
حلوه عشتها وياه .. ..

الطفل مرضع قليل .. ونام .. .وامي خبصتني جوعان . لو جوعان جان رضع هواي

خليته يمي .. ونمت ..
تمنيت انام ومااكعد لو اكعد واني يم امجد
تمنيت هذا كله حلم واصحئ منه .. واني يم
الي سكن روحي وعقلي وگلبي
... بس هذا كله جان مستحيل .. ..

..... بيت ابو كرم .
كرم اعرفكم بنفسي اني اكبر اخواني عمري 39 سنه انسان بسيط
رغم اني قاضي والي هيبتي .. بس احب التواضع
وعندي سوبر ماركت وافران يشتغلون بيها اخواني كنان وكرار اخوي الزغير
يشتغل بلسوبر ماركت .. وكنان علئ الافران... وثنين خوات
كريمه اكبر وحدة بلبنات متزوجه وعدها ثنين ولد وكوثر . متزوجه بغير محافظه نادرا متجي
وعدها اربع بنات ولد ثنين
ورحاب حبيبتي قبل لاتصير زوجتي
....

رحاب .. كوم كرم .. حبوبتك شيبت راسي .
فدوه اكعد .. والله راح اتخبل منها ..

كرم . فتحت عيني واني اتمدد بفراشي الواحد يكولوله صباح الخير يصبح علئ بوسه اله كرم
يصبح يوميا علئ عرايك رحاب وحبوبتي
ادري انتن شرايج بس گليلي