قصص عراقيه قصيرة

سجينتي ،1،

أسوء من الألم من يسيئ الظن بك
،،،،،،،،،،،،،،،

قراءة ممتعه للجميع
........

اعرفكم بنفسي أني تالين بنيه عاديه حالي حال اي بنت ساكنه العراق وعدها عالم احلامها الورديه كلها مجتمعه بي . افكر اصير محاميه والنوب اتزوج وجنت افكر شلون اجيب تلاث اطفال

من شفت مرت خالي ولدت فكرت بألمها واني ضعيفه شخصيه وجبانه وخجوله . شلون راح اكدر اتحمل هيج الم .. الأول تجربه الألم والثاني اتحمل
والثالث افكر هذا اخر شي لهذا قررت تلاثه

. اني واخوي مرتضى تؤم بس هو اسمر وشعرة اسود عيونه سود اني شكرة وشعري اصفر وعيوني عسلي
كله يصيحولي الشگرة حتئ مرات انسه اسمي
اليسئلني عليه اكله الشگرة
دائما سؤالنه لامي ليش احنه مانتشابه
اني ادري التؤم يتشابهون بكل الصفات
اله اني واخوي
امي تكول السبب جنة كل واحد مشيمه بحده
لهذا منتشابه .. وهذا السبب الدكاترة كالولها عاشو

احنه الوحيدين لأهلي أمي جابت قبلنه 3 تائم
وماتو .. بس احنه عشنه .. ابوي سماني تالين
معناتة قمة الجمال . اكيد تعرفون السبب واخوي اسمه مرتضئ علئ اسم امير المؤمنين علي عليه السلام
لان امي تكول طلبتكم منه

وبعد عناء طويل وحزن .. يله عشنه أني واخوي
بولادتنه صرنه فرحه لأهلي عن كبر ..
ابوي الوحيد جان لأهله وعندة بس ثنين خوات
اكبر منه بدريه . وفخريه اكبر اخوانه

فخرية متخلف اتبنت ابن حماها سمته. سيف

حماها يخلف كله.ولد صارو عندة سته
وكالهم هذا اذا ولد فهو لأخوي واذا بنيه
تعذروني .. وجانت بدريه ليل ونهار تندعي
يكون ولد .. وفعلا صار ولد واخذتنه من اول يوم ولادته وسمته سيف

وبدريه عدهة ثنين مصطفئ . وأيلاف
رغم حب أبوي النه بس معيشني بخوف
علئ انو انتي بنيه ميصير تطلعين
ميصير تسوين اي شي ميصير تعلين صوتج
ميصير تسوين تصرفات طايشه رغم جنت زغيرة
وماافتهم شنو معنئ كلامه .. لمن كبرت يله فهمت

كل كلمة جان يكولها الي
أشوف مرتضى عايش بحريته اضوج حيل
ابوي مقيدني بحيث صوتي ميطلع نهائياً
وماانطي رأيي بأي شي سواء يخصني او لا
وطلعتي حدها بس للمدرسه وارجع صديقات
ماكو .. جيران صديقه ماكو .. صديقه تجي للبيت
تطلب مني شي هاي معناته نهايتي ..

يجي خطار وعدهم ولد حتئ اذا قرايب ممنوع نهائياً جنت احس نفسي عار عليهم ..
بحيث تعلمت اي احد يجي اسد باب غرفتي عليه مااطلع منا لمن يروح حتئ اذا عماتي
وبلمدرسه يلقبوني البنات المعقدة ..

لان ماعندي ولاصديقه ولااحجي ويه وحدة
دائماً وحيدة اروح وارجع ..
ومن تعامل إهلي انبنت شخصيتي الضعيفه المهزوزة الخجولة ..
مااكدر اعتمد علئ نفسي اخاف من كلشي
مرتبكه من اي سؤال من سالفه او اي احد يحجي وياي مااكدر اكمل كلمتين وياه