قصص عراقيه قصيرة

سجينتي .13.

‏"البقاء ليس للأقوى ولا للأذكى البقاء للأكثر استجابة للتغيير."

- تشارلز داروين ।📔

.........

كاعدين وكرم يفتر علئ روسنه
انتييييييي منو كلج تطلعين .. 
لومالكتج فاهيه تبوكج .
اني ميهمني الفلوس عسى ما مليار
بس تليفونج المن ماخذته ..

يمه الرجال كال باجر مرو عليه هيه المرة دوم تفتر بلسوك وكال اني اخذه منها حتلو بلقوه

اي هاااج.نطاجياه .. شبيج يمه
هذا مغذي اذا لكيتي بعد اعتبي  عليه

.. 

عفته ورحت يم الحجيه .. الي شالت فلوس ونطتنياهن .. خطيه عبالها ضايجه عليهن
متدري اني ضاجيه لان بي.هواي ذكريات
وضجت من كرم شكد غلط وحجه معبالك.تلفون
......

ثاني يوم بليل كاعدين نتعشه 

ابو كرم ..  حضرو رواحكم بعد اسبوعين .خطبت كرار من غيداء بت عمته ..

كرار غص بالاكل وضل يكح ..انطاه كنان مي  ودك علئ ضهره ..
شنو يابه خطبتي .. واني شوكت ناوين تكلولي بيوم العرس ..

ابو كرم . اني كلت بس تنجح من السادس  ازوجك .. وهاي انت نجحت .. شتريد بعد

يابه اني مو اعتراضي علئ الزواج اعتراضي علئ الزوجه .. جنها  سعيد  ابو العرك

باوعله بنظرة غضب ..
لازم شاربه عده وتعرفه شكله

ولله ماشارب .. بس مرة شفته هو وصاحبي وعرفني عليه ..

هسه مو سالفتنه سعيد خلينه بسعيدة يابة ماريدها .. اخطبولي وحدة  علئ الاقل .. من  اصبح بوجها حلوة  يتصبح بي  مو شاربها اثخن من شواربي .. وجماله عدها لحيه خضرة .. اطم روحي والله .. كرم احجيلك شي يمعود  .. يمه اني بشاربج .. . قنعي رجلج يبطل من غيداء
يالله باع اسمها اتخوع بي من اگوله

ام كرم اني مالي علاقه الشور شور ابوك .. والكلمة كلمته يايوم اعترضت علئ  رأيه

كرم .. يباوع لكرار شلون منقهر ..  يابه خليها الاسبوع الجاي اني ماعندي شغل  لان بعد سبوعين اسافر .. ويجوز مااحضر الخطبه

كرار انتفض .. اي يابه شعليك انته اذا ماخذلج جمارة ..  وعايفلنه السعف
اني اريد وحدة ناعمه .. بيضه ..
يابه مو وحدة احسه  هيه الزلمة مو اني
والله مااخذها لو ابقه عانس طول عمري

كرم ..تأدب واسكت .. لاتخليني اغردلك
علساس انت شلونك تخبل ..
وبعدين ترة هنه كلهن نفس الشي سوده بيضه
حمرو خضرة هنه نسوان نفس الـ.. ...وسكت