قصص عراقيه قصيرة

سجينتي .4.

أشد من الحنين ذكريات الماضي

.......

قراءة ممتعه للجميع

..........

تالين ..
مر 8 شهور علئ وفاة حبيبي وابني
وبهاي الشهور كلها اني منعزله عن العالم
لان امجد طلگلني .. ودازلي رساله يعتذر ..بيها هواي وانو سبب امه متريدني وتكله هاي وحدة فكر تكسح الجهال مثل امها  ..واني ماكدر ابغض الله بأمي
اتذكر بوقتها ضحكت ودموعي تجري ..
ميريد يبغض الله بأمه بس بيه عادي يبغض الله
.. الله ينتقم منك ومن امك..
تنازلت عن كلشي أله .. حتئ ملابسي العدهم
مردتهن وكتله احركهن ذبهن .. ماريد شي يذكرني بيك ..

تنهدت بقهر .. الله يكدرني علئ نسيانه
باوعت من شباك غرفتي يطل علئ الشارع
شفت بت جيرانه عمرها خمس سنوات
لابسه شحاطه جبيره .. مبينه جديدة
وطالعه رجلها نصه من المقدمه ابتسمت واتذكرت
من جنت بعمرها
احب البس الشحاطات والاحذيه الجديدة
.من يجينه خطار..
والي يدور علئ احذيته ميلكاهن
ماما كبل تصيح اسمي تعرفني اني لابستهن
تالين وين شحاطت عمتج ..
واذا شفت حذاء او شحاطه متعجبني
اشمرها فوك الحمام الخارجي مالنه
هاي خلصت طفولتي اشمر واللبس احذيه وشحاطات .. مرتضئ يسميني ام القنادر

رجعت لواقع الخوفه بهاي الشهور الفاتت عشنه برعب عبالك سنتين يوميا نكول هسه يهدون علينه
من ابويه دعم مرة عجوز
وكسرها .. ضلت يومين بلنعاش ..
وكلنه ندعي ونصلي ماتموت ..نخاف علئ ابويه
والحمدلله رجعت صحتها بس صارت مقعده
صار عدها شلل لان العمود الفقري اتضرر
واليوم الفصل ... بيتنه ..

كلش خايفين .. يطلبون اشياء منكدر نوفيها
لان احنه علئ كد حالنه .. ..
عماتي عدنه وولد عم ابوي كلهم اجو ..
سوينالهم غده وتغدو هسه ننتضرهم يجون
وانشالله تفض علئ خير
صار العصر .. ومحد بين . ابوي وعمامه
قلقين حيل

كلت خلي اتوضه واصلي .. وانشاءلله
تفض علئ خير بدون ميتضرر احدد
لان مبين اهله المرة حيل شرانيين
اتذكرهم
بلمستشفئ من ابويه اخذ المرة .. واحنه رحنه وراه.. وبعدين همه دخلو جانو هوايه نصهم مسلحين
وكلهم ضخمين .. ..هادين علينه جايين يعاركون
عبالهم ابوي شاب طايش ويسوق سريع .. هذا جان تفكيرهم من خلال كلامهم
ابوي ضاع بنصهم ..
مصطفئ هو جابنه .. وجان يدافع
ويحجي بمكان وابوي .. ويكلهم عمي قضاء وقدر
والحجيه انشالله تكوم بلسلامه ..
واحد منهم دفع مصطفئ وجان عصبي حيل ويححي بتحذير
ادعي من الله تكوم بلسلامة.. لان ساعته مااعرف شسوي بيكم اذا صارلها شي

اني وامي نبجي ونندعي يخلصنا من هلمصيبه خفنه منهم حيل .. لازمين بابا مكعدينه
علئ كراسي الأنتضار .
.
تمنيت عندي اخوان كبار يسندون ابوي بهذا اليوم
من شفت انكسارة .
جان مخلو هيج مدنگ راسه ومكسور ميكدر يرد علئ احد