قصص عراقيه قصيرة

سجينتي .6.

لا يتألم الا من كان وفياً أكثر مما يجب
.........

قراءة ممتعه للجميع

.........

وصي اخوانك لاحد يحجي

منا للعصر .. خليت ورحت للمطبخ ..
كلعادة صوت رحاب ورشا طالع .. يتعاركن
علئ الغدة

صيحت ..شكو عرب الله شبيجن

رحاب .. كرم .. اسمعها تبسمر بيه من مساع ..
عل ابو انت راح تاخذ الفصليه .. حتئ يصير عدك ولد ..
رشا وشحجبت اني .. قابل مجذبه

حجيت من بين اسناني . كرار راح ياخذها ارتاحن .وكملن الزقنبوت .
اشوفهن رجع الدم بوجوهن وابتسمن

دخل كرار .. رحمة لوالديجن غدة ماكو اليوم
متت من الجوع ..

رشا يمكن بس اليوم احنه نصبلك غدة .

كرار باوعت لكرم شنو شتقصد هاي ..
كرم غمزلي .. يعني غلس . عفتهم و.
رحت كلت اشوف الحجيه نايمه كاعده
كلعادة طبيت بدون ماادك الباب ..
دخلت وسديت الباب الحجيه متقبل باب غرفتها مفتوح عبالك عروس

شفتها كاعده تصلي .. علئ الجربايه .. كاسرة المخدة ومخليه تربتها فوكها .. رغم كوة تكدر تكعد من العمليه بس مستمرة بصلاتها

وراها ..شنو هاي .. اشوف وحدة نايمه
مغطيه عيونها .. بيدها ونايمه صفح .بس حلكها مبين وشعرها اصفر قصير سرح نازل علئ ركبتها .. . لابسه بدي اسود نص ردن مبينه ايدها كلها تلمع من البياض مرمشت حتئ ادقق بيها
كطعت هيامي الحجيه .. من غطتها
بلجرجف كلها حتئ راسها.

وگالت ولك الفيسد مو حرام عليك .. تباوعلها

كرم .. والله مو حرام النظرة الأولئ حلال
واني مرمشت حتئ
هيه هاي الفصليه ..

اي ..

خلي اروح اللحك علئ ابوي لايقنع كرم بيها حتئ اخذها اني والله مااعوفها لكرم

گالت بفرح .صدك ولك كرييم راح ياخذها

اي والله وابوي جاي يقنع بي لان ميقبل
بس خلئ اروح اكلهم اني اريدها هسه يفرح

ردت .. نجب ولك مرت كرييم هاي اني كلت اول مشفتها اريدها لكرييم . خطيه ضلمته امك بلخارمة من ختارتها  ..

كتلها بزعل انتي بس كرييم ابن ابنج وترديله كلشي زين ..
باوعت عليه هاي كل هذا الصوت يمها وهيه متحركت ابد
حجيه خاف ميته الابنيه بله خلي اشوف نبضها
وتقربت عليها