قصص عراقيه قصيرة

سجينتي .7.

تؤلمنا تلك الصلابة التي نخفي بداخلها كل شي

.............

قراءة ممتعه للجميع

.......

اندار عليه اخذو راحتكم خله وطلع ..
اني عبالي هم يصيح عليه بس

اتنفست براحه من طلع وسد الباب وراه

....
كرم .. كاعد علئ الجربايه .. ورحاب كاعده بلكاع
وتتوسل بيه ..اني دخت وصدع راسي من حجيها .. صار ساعتين تحجي مكطعت ولا لحضه

رحاب .. كرم انت مو حبيبي مو صديقي .. مو كلشي الي امي وابوي .. ليش هيج تخذلني ليش

كتلج اني .. مرايدها بس علمو ابوي عقدت
واني اصلا جنت رافض بس ماريد اكسر كلامه .

هذا هو .. طلگها وخلي كرار يتزوجها اذا مثل متكول .. ومعلي بيها .. هو بس عقد

رحاب اني شاكل تبن صارلي ساعتين
لو مطي حاطلي وافهم بي جان افتهم

كول انت ردتها شفتها حلوه وزغيرة
دنت نفسك عليها مبينه السالفه
هو انتم الزلم مثل الچلاب مني حلوة تركضون وراها

كرم . اني ضايج ودخت منها ومن سمعتها غلطت ردتلي حجيه .. رادت تشرد لكفتها..
وكسرتها تكسر .. رجعت علئ الميز فلشت المكياج والعطور البي . .. اكو تيبلام .. كسرتهن ..
شفت الغرفه صارت متنعرف من الهوسة  والكزاز
اهلي اذا سمعو رجال ومرته بلغرفه محد يدخل ابد
فتحت الباب ردت اطلع سمعت هيج تحجي
شنو من مرة شكد تحب الكتل متمل رجعت عليها

رحاب الله ياخذك الله ينتقم منك .. ربي
بجاه كلمن عندة جاه اريدك تحرم كرم من الخلفه طول عمرة اريدك تيبسه كلششش

كرم كلت خلي تصيح محروك كلبها وحقها بس من دعت عليها هيج فار دمي ورجعت عليها
اخذت الماسحه من جوة الدرج
كلهم طلعو علئ صوتها .. يرعد . هز البيت

لزمني كنان وأمي .

كنان كافي عوفها تولي عليمن قاهر روحك

امي راحتلها تسد بحلكها تريدها تسكت .
وهيه مستمرة تحجي وتدعي وتصيح هيج صلافه مشايف 

دفعت كنان .. وركضتها امي صارت كدامي
فاتحه ايديها ومخليتها وراها .. يمه عوفها بداعتي تولي اني أأدبها لاتموت بيدك وتورطنه

وهيه ولا سكتت مستمرة بالدعاوي

يمه عوفيني اتوبها ماتفتح حلكها بعد
شوفي لسانها .. شوفي .. ماترد اله اكصه يله
تسكت
كنان وكرار سحبوني يدفعون بيه لبرة طلعت من الغرفه صارت كبالي الابنيه .. فاتحه باب الغرفة .. طلعت من البيت كله لان اذا ابقه واسمعها يمكن اكتلها خلاص