- يعني زين وياسين أخوات! يعني اكده لو زين عرف باللي عملته هينساني ومش هيعود يحبني تاني، يعني زين مش هيحب عيشه، يعني أني اكده انتهيت!!
قعدت جمبها فوق السرير ومسكت ايدها برجاء:
- سدرة ماتحكيش لزين على اللي عملته، زين مش هيحبني تاني، مقدرش اعيش من غيره ياسدرة وانتي خابرة اكده زين.
- لو مكنتيش اتسرعتي كان زمانا مرتاحين، لكن انتي لا حالاً روحتي حكيتي، حتى مافكرتيش ولو للحظة واحدة إيه ممكن تكون العواقب، إيه ممكن يحصلي ويحصل لأبني وجوزي ولزين كمان.
- سدرة حطي نفسك مكاني، لو انتي مكاني كنتي هتعملي اكده واكتر كمان.
- هنفترض إن أني حطيت نفسي مكانك وزين هو اللي اتقتل مكان ياسين كنتي هتعملي إيه وقتها، أنا راضيه بحكمك.
- سكتت شوية ووقفت وهي بتقول: أنا متمناش إني أكون مكانك أو اعيش اللي عشتيه أو أخسر زين، بس وجلال الله ياسدرة ماكنت أعرف إن حاجة زي اكده هتحصل.
- اتمهدت وبصتلها فقالت بخوف: هتقولي لزين؟
- لا.
قالت بلهفة:
- بجد! بجد ياسدرة مش هتقوليلة.
- آه مش هقوله.
- طب طب هو فينه، قاعد فين.
- مشي
- راح فين يعني؟
- مكان ماراح عاد.
- وطت راسها بيأس وقالت:-ماشي، إذا احتجتي حاجة أبقي نادي عليا.
واجب على الإنسان يفكر مرة واتنين وعشرة فاللي عايز يعمله ومايتسرعش ف أخذ قراره، لازم يفكر ويحسبها كويس، ويعرف العواقب وهل هو هيعرف يتصرف إن الأمور خرجت عن طوُعه.
- عملت اللي قتلك عليه يابدران؟
- زي ماطلبتي بالحرف ياست سدرة، وأول ماروحت كنت سامعهم بيتحدتوا عن شُحنة مُخـ..ـدرات هيطلعوها عن طريق ****واللي أسمه أمجد ده عارف كل حاجة وقالهم أنه هيروح على المكان اللي قولتله أنا عليه عشان يقبض عليكي انتي ويكونوا هنا هربوا المخـ..ـدرات، قال وبڪده يكون ضرب عصفورين بحجر واحد، حبسك انتي وأخد فلوسة من تهريب الشحنه.
- ومالوا يجي يا ألف أهلاً وسهلاً.
- ياست الناس في حاجة اكده أنا عرفتها على أمجد.
- عرفت إيه انطق؟
- في عمارة مشبوهه هو مش قاعد فيها يعني بس كل فترة بيروح هناك، عرفت أن في واحدة هناك هو بيروحلها والشقة هو اللي مأجرها ليها.
- ممكن تكون مراته ولا حاجة.
- لا مش معقول خالص إن ظابط يقعد مراته فشقة إيجار وكمان فعماره مشبوهه.
قولت بإستهزاء:
- يعني اللي هو معقول يابدران إن ظابط يأجر شقة فعمارة مشبوهه، ظابط خاين للقسم ونهايته هتكون على ايدي.
- مخابرش والله ياست سدرة، بس اللي خابره زين إن لو بلغنا عليه وهو هناك هيحبسوه وبـ اكده هو انتهى.
- كلام معقول وزين قوي، اللي خبرك بكل المعلومات دي عنه خليه يقولك هو بيروح أمتي هناك.
- تمام ياست سدرة.
مع الوقت كل حاجة بتظهر لأن الكدب حبله قصير والشر مش بينتصر، اللي بينتصر هو الخير.. الخير وبس.
- يا زين تعمل زي مافهمتك وتروح هناك وتقبض عليهم هما الاتنين غريب وبنداري، أما أمجد ده سبهولي أنا هربية وهعرفه إن اللي يخون القسم ويخون بلدة بيحصل إيه فيه.
- سدرة أنا مش عايزك تتأذي وياسين موصيني عليكي، خليني أنا اتكفل بكل الأمور دي، وحق أخويا واللي هو جوزك أنا هجيبه، ومتنسيش إن كل الظباط واقفين معانا وكلهم متعاهدين على أنهم يجيبوا حق ياسين.
- أنا خابرة كل ده بس أمجد غلط ولازم احاسبة.
- ربنا كبيرة عليه ياسدرة، خلي بالك من نفسك ومن ابنك.
- طيب خلاص أقفل.
- عشان خاطر ياسين بلاش تعملي أي حاجة.
- مش هعمل حاجة.
- عائشة عاملة إيه طمنيني عنها.
- كويسه.
- خلي بالك منها وطمنيها عليا وقوليلها زين كويس وراجع عن قريب.
- حاضر ياحنين، حاجة تاني؟
- قوليلها زين بيحبك.
- وإيه كمان؟
- بيحبك أوي أوي.
- جرا إيه يازين بتحب فبت عمي اكده قدامي عيني عينك يابجاحتك ياخي، مافيش احترام واصل.
- ضحك وقال:- اعملك إيه يعني ما أنا بحبها فعلاً اكدب واقولك مش بحبها.
- لا حبها ياخويا.
