A Royal Disaster in Brooklyn

Chapter 06

CHAPTER SIX | THE FLOWER SENDER

Summer

BAGONG ARAW, panibagong pagpapanggap na gusto ko ang aking ginagawa sa buhay. Bumangon ako na may takip pa ang mga mata kaya literal pang madilim ang aking paligid. Malalim akong huminga at tuluyan na inalis ang takip ng aking mga mata. I need to get up now or else I will be scolded again for being late in the office. Kulang ang salitang pagod ako para ilarawan ang unang linggo ko sa trabaho.

At habang nahihirapan ako, si Lauren abala sa pagyabong ng kanyang love life.

Nawa'y lahat.

I don't know how to explain mine right now. Hindi ko nga masyadong iniisip kahit sa loob ng isang linggong lumipas ay nakatanggap ako ng bulaklak galing kay Isaac. Delivery guy lang lagi nagpapadala sa 'kin at hindi mismong si Isaac. Ang huling kita ko sa kanya ay noong binigyan niya ako ng payong ulit.

Dalawa na tuloy ang payong niya sa akin.

Nasaan na kaya ang isang iyon?

Kung nasaan 'man siya ngayon, saka ko na iisipin dahil late na naman ako kapag tumagal pa ako sa kama. Dali-dali akong kumilos at pagkatapos ay bumaba na bitbit ang cloth bag ko na ang laman lang ay water flask, wallet at cellphone.

"Good morning two guys, one woman!" Masigla kong bati kay Brooklyn, kay Daddy at kay Mommy na nasa dining area na.

"Papasok ka pa?" Takang tanong ni Brooklyn sa akin na sinagot ko naman ng tango. "Woah! Where did my original sister go?"

"I'm still your sister!" singhal ko sa aking kapatid. Saka dumulog na sa hapag kainan pagka-puno ng aking water flask.

"Are you dating someone, Summer?" Maang akong napatingin kay Daddy nang marinig ang tanong niya sa akin.

"You're dating, Summie? Akala ko si Lauren lang ang may makulay na love life ngayon," singit ni Brooklyn uli.

Binato ko si Brooklyn ng nilakumos ko na tissue. Sikreto nga iyong kay Lauren kaso madaldal din kapag may time itong kakambal ko.

"Why don't you answer your father's question, Summer?" tanong ni Mommy sa akin. "Laging may nagpapadala ng bulaklak sayo araw-araw last week ayon sa report ng secretary ni Ritter."

"Bakit nagrereport sa inyo ang secretary ni Ritter?" Hindi ako makapaniwala sa nalaman. Bakit ba nila ako binabantayan? "You know that I'm all grown up now, right? Why are you spying on me?"

"Being your parents doesn't stop even if you're all grown up now and have a decent job." Pangaral ni Daddy na sinang-ayunan naman ni Mommy. Habang ang kakambal ko'y tumahimik lang sa tabi ko.

"I'm not dating anyone, so calm down, okay? He asks me if I want to go out with him as if he's asking what I want to eat for lunch."

"Who?" Sabay-sabay nilang tanong sa akin. Nagsalit-salit ang tingin ko sa kanilang tatlo. Dahan-dahan akong tumayo at sinukbit ang aking bag sa balikat.

"You won't believe it even if I tell you," sambit ko sa kanila. Walang kumibo sa kanilang tatlo. "It's the Prince of Northfolks..."

Lumakad ako palabas ng dining room pero napigil ako ng tanong ni Mommy.

"Iyong bata o yung matanda?" she asked,

Umikot ang aking mga mata. "Of course the young Prince, Mom!"

Hindi naman ako mahilig sa DOM kahit may pera doon. Hindi naman ako poor kaya bakit pa ako kakapit sa patalim. Kailangan ko lang talaga magtrabaho kasi hindi naman ako pwedeng umasa sa mga magulang ko habangbuhay.

I have to work for myself even if I didn't like what I'm doing right now. Ayoko na ma-disappoint si Daddy dahil pulos pag-e-eksperemento ang ginagawa ko sa aking buhay.