Unicode
" ဒါဘယ်နေရာကြီးလဲ... "
တံခွန့် မျက်လုံးတွေဝါးနေသည်။ပတ်ဝန်းကျင်တစ်ခုလုံးက မြူတွေဆိုင်းကာ အေးစိမ့်နေ၏။
ခြေတစ်လှမ်း လှမ်းလိုက်ချိန် တံခွန့်ခြေထောက်က အသံလေးတစ်ခုထွက်လာသည်။ခြူသံလေးတစ်ခု။တံခွန်ငုံ့ကြည့်လိုက်တော့ ဘယ်ဘက်ခြေကျင်းဝတ်တွင် ငွေရောင်ခြူလုံးသေးသေးလေးတစ်ခုရှိနေ၏။
" ဟမ်...ဒါကဘာတွေလဲ... "
ပြီးမှ သတိထားမိသွားတာက ခုထိ ဝတ်ထားဆဲဖြစ်သော အနက်ရောင် တိုက်ပုံနှင့်တောင်ရှည်ပုဆိုးပင်။မဟုတ်သေးဘူး ခုဏကလေးတင် အမေနဲ့ အခန်းတစ်ခုထဲ ဝင်သွားတာလေ။ဘာတွေဖြစ်ကုန်တာလဲ။
" ပိုး...တံခွန်... "
ခပ်သြသြ အသံတစ်ခု...တံခွန် ကြက်သီးမွှေးညှင်းများထသွားသည်။
ယောကျာ်းသံကြီးမို့ အမေတော့ မဖြစ်နိုင်။နတ်ဝင်သည်ကြီးအသံလည်းမဟုတ်။တကယ်ပဲ ဘယ်သူကြီးလဲ...
" ဘယ်...ဘယ်သူလဲ...ကောင်း...ကောင်းကောင်းပြောနေတုန်း ထွက်ခဲ့နော်....မဟုတ်ရင် ကျွန်တော် ချမှာနော် "
တံခွန် လက်သီးပြင်ထားလိုက်သည်။
ထိုစဥ် ပုခုံးပေါ်ကို လက်အေးကြီးတစ်ဖက်က လာတင်၏။
ခွပ်
" ........ "
" မောင်မင်း... ငါကိုယ်တော်ကို...ထိုးလိုက်တာလား...ငါကိုယ်တော်က မောင်မင်းလင်တော်မောင်လေ... "
" အားးးးးအမေကြီးရေ သရဲကြီး "
ထိုးပြီးတာနှင့် ဖြတ်ကနဲမြင်လိုက်ရသော ပြာနှမ်းနှမ်းနှုတ်ခမ်းကြီးရယ် လက်သီးနှင့် ထိမိလိုက်သော အေးစက်နေသည့် အသားအရည်ရယ်ကြောင့် တံခွန် အော်ဟစ်ကာ ခွေးပြေး ဝက်ပြေး ပြေးတော့သည်။
" ဘယ်ကိုပြေးမလို့လဲ...ကိုယ်တော့်ကို ထားခဲ့ချင်နေတာလား..."
" အားးးး သရဲ !!! အမေရေ သံဗုဒ္ဓေ နမ္မာမိ ဟောတု !!! "
ရှေ့တည့်တည့်တွင် ဖျတ်ကနဲ ပေါ်လာပြန်သော မည်းမည်းကြီးကြောင့် တံခွန် ဘုရားစာတွေ ဇောက်ထိုးဆိုကာ နောက်လှည့်ပြီး ပြန်ပြေးရပြန်၏။
YOU ARE READING
သရဲဘုရင်ရဲ့ချစ်ဇနီးလေးသရဲခြောက်ခံနေရပြီ
HorrorUnicode & Zawgyi Start - 8 . 2 . 2023 သရဲကြောက်တတ်ပေမယ့် သရဲဘုရင်ကြီးနဲ့မှ လက်ထပ်မိသွားတဲ့ ကောင်လေးတစ်ယောက်... သူ့ယောကျာ်းနဲ့ အပြည့်အဝပေါင်းဖက်ရဖို့အရေး သရဲပုံပြင်တွေထဲဝင်ပြီး ခြောက်ခြောက်ခြားခြားနဲ့ ဝိဉာဥ်ရှာပုံတော် ဖွင့်ရတဲ့အခါ... မော်ကွန်းစနေ +...
