မနေ့ညက အားပြင်းတဲ့ ငလျင်တစ်ခု လှုပ်သွားတာ ဖြစ်မယ်။
ပြီးတော့ သူ မူးမူးနဲ့ တိုက်ပြို တိုက်ပျက်တွေကြား ပိသွားတာ။ ဒါကြောင့် သူ့တစ်ကိုယ်လုံးက ကျောက်တုံးကြီးကြီး တစ်ခုနဲ့ စိစိညပ်ညပ်ကြေအောင် ဖိခံထားရလို နာနေတာ နေမှာ !
မျက်လုံးကို ဖြေးဖြေးချင်းဖွင့်တော့ အရက်နာကျခြင်းရဲ့ အကျိုးဆက်အနေနဲ့ ခေါင်းတွေ စကိုက်တော့တယ်။
ဘာမှ မလုပ်နိုင်သေးခင် ဘေးကစားပွဲပေါ် တင်ထားတဲ့ နာရီကို လှမ်းကြည့်လိုက်တယ်။ သားကို မနေ့ညက အမေတို့စီက မခေါ်ခဲ့မိလောက်ဘူး။
ဘုရားရေ !! နေ့လယ် နှစ်နာရီတဲ့ !
အလောတကြီးနဲ့ ထထိုင်မိတော့ သူ့အောက်ပိုင်းရဲ့ တစ်နေရာက စူးခနဲ။
" အား ! "
ဘာ ဘာလို့ သူ့တင်ပါးရဲ့ အတွင်းပိုင်းရော အပြင်ပိုင်းရော စူးကိုက်ပြီး ထုံကျဉ်နေရတာလဲ။ မနေ့ညက ထိုက်ရက် ချော်လဲခဲ့မိလို့လား။
" ကျန့်ကော ဘာဖြစ်လို့လဲ တစ်ခုခု ခိုက်မိတာလား ! "
ဝမ်ရိပေါ်က အခန်းထဲရေးကြီးသုတ်ပြာနဲ့ ဝင်လာတယ်။
ရှောင်းကျန့် မျက်လုံးပြူးသွားတယ်။ ဝမ်ရိပေါ်က ဘယ်လိုလုပ် အိမ်ရောက်နေတာလဲ !
" မင်း .. ငါ့အိမ်ကို ဘယ်လို ဝင်လာတာလဲ "
" ကျန့်ကော မမှတ်မိတော့ဘူးလား "
" … "
" မနေ့ညက ကျွန်တော်တို့ ကလေးထပ်ယူဖို့ လုပ်ခဲ့တယ် "
" ဘာကြီး .. "
ရှောင်းကျန့်က နားကြားမှားတယ် ထင်လိုက်တာကြောင့် နောက်တစ်ခေါက် ထပ်မေးတယ်။
" မနေ့ညက ကျွန်တော်တို့ sex လုပ်ဖြစ်ခဲ့ကြ .. "
" ဘာ !!!!! "
ရိပေါ်ကိုယ်က မသိသာသော်ငြား တစ်ချက် တုန်ရင်သွားတယ်။
ရှောင်းကျန့် အဲ့တော့မှ သူ့ကိုယ်သူ ငုံ့ကြည့်မိတယ်။ အင်္ကျီဝတ်ထားပေမယ့် ဟပြဲနေတဲ့ ရင်ဘက်ကနေ ပေါ်နေတဲ့ စပ်ဖျင်းဖျင်း ကိုက်ရာတွေနဲ့ မပြောအပ်တဲ့ နေရာကလဲ နာလွန်းလို့ ထုံကျဉ်နေတာ။
![](https://img.wattpad.com/cover/323000891-288-k378858.jpg)
YOU ARE READING
Keep Me in your Pocket『Complete』
FanfictionBJYX MYANMAR FANFICTION Start date - 30.12.2022 End date - 3.3.2023 by miko ci