Just Being Friendly
နွေရာသီကျောင်းပိတ်ရက်ဖြစ်သည်မို့ စိတ်ကြိုက်အိပ်မယ်ကြံကာရှိသေး မေမေ့ရဲ့ " Fourth သားရေ " ဆိုသော အသံကြောင့် စောင်တွေကိုကြောက်ကန်ကာ ကုတင်ပေါ်မှထလိုက်ရသည်။
" သူများသားသမီးကို အစောကြီးခေါ်ထားပြီး
သူကျ အိပ်ရာထဲကမထဘူး "
ထမင်းစားပွဲဝိုင်းပေါ်မှာ ပေါင်မုန့်ကြက်ဥကြော်အချို့နှင့် နို့အေး ၂ ခွက်ကအသင့်ချထားသည်။
နို့အေး တစ်ခွက်ကိုကောက်သောက်လိုက်ပြီး
" မေမေကလဲ "
နိုးကတည်းက တောက်လျှောက်အဆူခံနေရတာမို့
Fourth မျက်နှာကတဖြေးဖြေးမဲကျလာတော့သည်။တစ်ဆက်တည်းမှာပဲ အရှေ့မှာထိုင်နေတဲ့ တစ်ဦးတည်းသော သူငယ်ချင်းဆီကို မျက်စောင်းတန်းထိုးပစ်လိုက်သေး၏။
" တစ်ကယ်က သားကသာစောစောလာလိုက်တာပါ "
" အမယ်လေး ကာပြောပေးနေတာကြည့်စမ်းပါအုန်း
နောက်ဆုံးတော့ ဒီအမေကပဲမကောင်းတဲ့လူဖြစ်ရော "
ထမင်းစားခန်းထဲမှရီသံတွေက အပေါ်ထပ်မှာရှိတဲ့ ဖေဖေ့ဆီပါရောက်သွားပြီး ဖေဖေကပါအောက်ဆင်းလာတော့သည်။
" ရီသံတွေကြားနေပါတယ်မှတ်တာ Gemini ရောက်နေတာကို "
" မင်္ဂလာပါ အဖေ "
" ဘယ်သူက မင်းအဖေလဲ "
ပေါင်မုန့်ကိုကိုက်နေရင်း လက်သီးထောင်ပြတော့
Gemini ကမနိုင်ပါဘူးဆိုတဲ့ပုံစံနဲ့ ခေါင်းခါရင်းပြုံးသည်။
" Fourth ကစာအတူလုပ်ဖို့ခေါ်ထားတာလား "
Fourth ရဲ့အဖေက မနက်စာစားဖို့စားပွဲမှာဝင်ထိုင်ရင်း Gemini ဘက်ကိုလှည့်ကာမေးလာတော့ သူဘာပြန်ဖြေလို့ဖြေရမှန်းမသိတော့ပေ။
" အဖေကြီးရယ် နွေရာသီကျောင်းပိတ်ရက်မှာ ဘယ်ကလေးကစာလုပ်မှာလဲ အားကစားသင်တန်းဖြစ်ဖြစ် ဂိမ်းအတူဆော့တာဖြစ်ဖြစ်လုပ်ကျတာလေ ရှင် ဘယ်ခေတ်မှာနေနေတာလဲ "
ဖေဖေနဲ့မေမေရဲ့အသေးစားရန်ပွဲလေးကြားမှာ
ကြာကြာမနေနိုင်တဲ့ Fourth က မျက်နှာရိပ်မျက်နှာကဲပြကာ အပြင်ထွက်ဖို့ပြောလာသည်။ အဲ့နောက်မှာတော့ နို့အေးခွက်လေးကို အမြန်မော့သောက်လိုက်ပြီး Fourth အနောက်ကိုပြေးလိုက်ရတော့သည်။ သူက မိဘတွေကိုတောင်ဘာမှမပြောပဲ ဒီအတိုင်းထထွက်လာတာကိုး။
YOU ARE READING
Just Being Friendly
Fanfictionသူငယ်ချင်းဆိုတဲ့ စည်းကို ငါအရင်ကျော်ခဲ့ရင် မင်းကငါ့အပိုင်ဖြစ်ပေးမှာလား
