Just Being Friendly
" Fourth ထတော့ ရေဆော့မယ်ဆို "
နေ့လည်ကတော့ ရေမဆော့ရလို့သောင်းကျန်းနေတဲ့ကလေးက အခုကျ သူမဟုတ်သလိုအိပ်ရာထဲမှမနည်းဆွဲထုတ်နေရသည်။
" Fourth မင်းမထရင်ငါနမ်းလိုက်မှာနော် "
အိပ်ချင်ယောင်ဆောင်နေမှန်းသိသားပဲ။
ထပ်နမ်းမယ်ဆိုတဲ့ စကားလဲကြားရော လှုပ်စိလှုပ်စိနဲ့
စောင်ထဲမျက်နှာကိုအတင်းဝှက်ပစ်သည်။
တစ်ကယ်ဆို နေ့လည်က အသည်းယားလွန်းလို့သာ
နမ်းလိုက်မိတာ။သတိပြန်ဝင်သွားတော့ ဘာပြောရမှန်းမသိတာနဲ့ ယုတ္တိမရှိသောအကြောင်းပြချက်ကိုထုတ်ပြောလိုက်တာဖြစ်သည်။
တစ်ကယ်ယုံသွားမယ်လို့လဲ မမျှော်လင့်ထားဘူးရယ်။
" Fourth ထတော့ကွာ "
" Gem ကလဲ နောက် ၅ မိနစ်လောက်ပါပဲ "
" ကောင်းပြီလေ "
Fourth နဲ့အတူ စောင်ထဲဝင်ပြီးခါးကိုတင်းနေအောင်ဖက်ပစ်လိုက်တော့ မျက်လုံးအပြူးသားနှင့်
Gemini ဘက်မျက်နှာလှည့်လာသည်။
" ဘာ ... ဘာလုပ်မလို့လဲ "
အသံလေးက တစ်ကယ့်ကိုတိုးတိုးလေးမှတိုးတိုးလေးပင်။
" ဘာလုပ်စေချင်လို့လဲ "
Gemini က Fourth ရဲ့နထင်နားအထိတိုးကပ်သွားလိုက်ပြီးပြန်မေးတော့ ခန္ဓာကိုယ်ကိုတွန့်ထိုးကာ
စတင်ရုန်းတော့သည်။
" ထပြီ အခုမှထမှာ ဖယ်ပေးတော့ "
" နောက်ကျသွားပြီ ငါ နှိုးကတည်းကထခဲ့သင့်တယ် "
Gemini က Fourth ကိုစောင်နှင့်အုပ်ရင်း ခါးကိုလိုက်တို့ဖို့လုပ်တော့ Fourth ဆီကနေ ရီသံလေးတွေစတင်ကြားလာရသည်။
ရေဆော့ဖို့နှိုးလိုက်တာဆိုပေမဲ့ ရေမဆော့ဖြစ်သေးပဲ အိပ်ရာထဲမှကစားပွဲကိုအဆုံးသတ်ဖို့ကိုသာကြိုးစားနေရသည်။
" Gem ~ "
Fourth ဆီက ခေါ်သံကြားလို့ ငုံ့ကြည့်တော့
မျက်ဝန်းလှလှလေးနှင့် ထိပ်တိုက်ရင်ဆိုင်ရပြန်သည်။ဘာလိုချင်လို့ အဲ့လိုလာကြည့်နေတာလဲ။
YOU ARE READING
Just Being Friendly
Fanfictionသူငယ်ချင်းဆိုတဲ့ စည်းကို ငါအရင်ကျော်ခဲ့ရင် မင်းကငါ့အပိုင်ဖြစ်ပေးမှာလား
