( بعد الفجر )
بدأت الاخبار تنتشر عن المدرسه بدت الناس تروح للمدرسه ، بدت التجمعات ، بدا القذف على المدرسه ، صارو يكرهون المدرسه ذي صارت الشرطه اكثر تجمع حولين المدرسه
( الشرقيه )
حور قالت لهم السالفه
( وعبدالله راح يركض لاثير )
عبدالله: اثيييير
حور : عبدالله مانبي مشاكل خلاص
اثير : نعم
عبدالله: مريضه انتِ تتعاطين شي ، حنا في مشكله الان بسببك
اثير : وش اسوي ؟ طيب
عبدالله يرفع صوته : مريضه مريضه ؟ وش الي وش اسوي انتِ تبين تهلكين نفسك براحتك بس لا تهلكينا معاك فاهمه ولا لا !
حور : خلاص عبدالله ، مانبي تكبر المشكله
اثير : ما شاء الله يحور رحتي قلتي لهم ع طول
يزيد : على الاقل ماهي نفسك تخاف علينا وتبي تساعدنا مو مثلك
اثير ببرود : وانا وش فيني ؟
عبدالله : ذي م راح تفهم شي اذلفي لا كف على عينك اقسم بالله انك كريهها
حور : خلاص ، لازم ننفذ الخطه م عندنا وقت اكيد انهم بطريق لنا
يزيد : شلون بطريق ، من وين يعرفون اننا هنا ؟
اثير : انا اتصلت ع ماما بس ماردت واكيد اخذو الموقع
عبدالله يضرب الباب : وش سويتي انتِ في احد يدق على امه الحين ، ياخرا يزفت مانبي ندخل السجن بسببك فاهمه
حور : خلاص عبدالله
يزيد : لا تسكتينه حور ، هي غلطت مريضه يوم تدقين على امك هاذا وضع يسمح
اثير : مو بس انا الي غلطت كلكم غلطتو لما تعاملوني كذا
عبدالله برفعة صوت : زق عليك وعلى اغلاطك زين ، وان شفتك لاحقتنا والله لا اشرب من دمك فاهمه امشو حور ويزيد
حور: وش امشو بنتركها هنا تستهبل عبدالله
عبدالله: الي باعنا نبيعه
حور : انا م راح اتحرك الا وهي معنا
يزيد : حور قلبك طيب وماتدرين وش خباثتها لو انتِ مكانها كان اتركت هنا ومشت ولا عليها منك
حور : مو انتم الي تمشوني على كيفكم انا قلت مراح اتركها وبس
عبدالله: طالعي بوجهها ذا وجه نساعده حتى كلمة اسفه م قالتها وتبين ناخذها معنا !
اثير : لا تحسبوني مقدر ادبر نفسي اقدر ادبر نفسي واعرف وين اروح
يزيد : الحمدلله يلا امشو تقدر تدبر نفسها
حور : بتجين معنا بالغصب ياثير
( اتصل الجوال وكلهم يطالعون في بعض خايفين )
عبدالله: مين ؟
فيصل : انت عبدالله صح؟
عبدالله: مين انت ؟
فيصل :لا تخافون انا صديق بسام ، نفذو الخطه الان الشرطه دخلت الشرقيه وبطريقها لكم ، اخذو السياره وتجهو للوكيشن برسله لكم
عبدالله: يلا تم تم ( قفل )
عبدالله: م عندنا وقت ، اخلصو ،
يزيد عليك البصمات تمسح البيت كله ،وحور عليك المواعين تتنظف وترجع مكانها باسرع وقت ( ويطالع باثير ) الشكوى لله حدني زمن ، عليك تجمعين لنا اكل يكفينا وتاخذين ملابس زياده ، واتمنى بمصداقيه هالمره
YOU ARE READING
مدرسة ثانوية بني آل زايد
Teen Fictionتتكلم الروايه عن (مدرسة ثانوية بني آل زايد ) وذي الثانويه معروفه بالرياض ومشهوره بثراء وكل من فيها من عائلات راقيه "للبنين و للبنات" وتحصل المشاكل وتبداء الاحداث ..
