أعتذر على تأخيري 🤍
"
يارا غيرت اسم المجوعه " رجعنا من جديد"
(بعد يومين )
طلعت حور من المستشفى الحمدلله وتوجهو لبيتهم القصر والفخامه نزلت حور وهي متفاجئة مكان ذا بيتهم تحس انها تعيش حياة شخص ثاني لما وصولو جلست تتأمل ذا البيت
حور : ذا بيت مين ؟
ام حور تبتسم : ذا بيتنا ي روح امك
ابو حور : ولك غرفه خاصه بعد
حور تبتسم : متاكدين ذا بيتنا ؟
عبدالله: م ودك تسمين وتدخلين ؟
هيفاء بضحك : ان شاء الله تسمي وتدخلون بيتكم
عبدالله بضحك : ان شاء الله
ابو حور: يلا يلا
( وكانو داخل البيت مسوين مفاجأة وحفله ومرتبين البيت يارا ، أمل ، نور ، عهد ، ويتخدومون في يزيد وسعود وبسام و اصيل )
امل متوتره : يمامي انا مره متوتره
يارا : شدعوه حبيبتي
امل : انتم شفتو حور يوم صحت بس انا لا احس شوي وانفجر توتر
عهد تضحك : ي حلوه ي امل خليك طبيعيه وسلمي طبيعي
يارا تصرخ : العصاير وين ؟
سعود : بسم لله جبتها هذاهي
نور تضحك : روعتي قلب الرجال
يارا : ابرك خل يطلع قلبه
يزيد بضحك : ي ابو تركي الله يعينك انا ودي اصفقها وانا صاحبها كيف حبيبها عاد
سعود : ذي سندريلة قلبي ، حلال فيها كل شي
عهد ترفع يدها : يارب زوجهم وعقلهم يقولون الزواج يعقل
يارا : اميييييين ، وتزوجني وتعقلني يارب
امل : الا صدق اثير وينها ؟
يزيد : في بيت رجالها الله يهديه
امل : مو بجايه غريبه عليها
( يحاولون يغيرون الموضوع )
يزيد يصبر من الشباك : وصلو وصلو جهزو
امل : بسم لله وعلى بركة الله
بسام يطقطق بينه وبين سعود : الله يخلف بس
سعود بضحك : ي رجال هاذولي بنات اخر زمن عطهم على جوهم بس
( بيت اهل نايف )
( غرفة اثير )
اثير منسدحه والدمعه على خدها : حسبي الله احصلها منه ولا من بنتي المخطوفه ولا احد يعرف وينها جسبي الله صدق وش هالهموم ذي ياربي افرجها علي ( جلست تبكي وتتحسب )
( بالصالة)
( جالسين طبيعي يتقهوون وام نايف تبي تاخذ اثير ويروحون يسلمون على حور )
ام نايف : اسمع ي نايف هي بتروح معي
نايف : ي يمه الله يرضالي عليك طلعه من البيت م راح تطلع
ام نايف : هي معي وبجلسها جنبي ولا تسولف معهم تكفى لا تذبحها وهي حيه
نايف : مذبحتها هي تجيب لنفسها فضحتني عند الناس يحسبون رجالها مشيها على كيفها ذاك زمان وانا لما اقول كلمه تسمعها وم تخالفها
ام نايف تقوم تبوس راسه : عشاني هالمره اذا عندك خاطر لامك عشاني واوعدك بعدها م اطلب شي منك بس هالمره يوم رجيتك عاد
YOU ARE READING
مدرسة ثانوية بني آل زايد
Teen Fictionتتكلم الروايه عن (مدرسة ثانوية بني آل زايد ) وذي الثانويه معروفه بالرياض ومشهوره بثراء وكل من فيها من عائلات راقيه "للبنين و للبنات" وتحصل المشاكل وتبداء الاحداث ..
