مدرسة ثانوية بني آل زايد

الجزء(2) بارت 22

( قبل الساعه 12 ، داخل السجن )

يوسف طايح على الارض بخوف : انتِ انتِ كيف !

البنت تقرب له مع ابتسامه خبيثه  : الله عطاك اسبوع تحاول تخلص نفسك ولا راح نتدخل
يوسف بتعجب : ياخسيسه ، نسيتي مين حنا
( البنت ترفسه على بطنه )

البنت : الخسيس انت يوم تعاملت مع اشكالكم اغبياء

( بالمستشفى)

سلطان : على العمليات بسرعه اتصلو على عبدالله
هيفاء : سلطان اختي ماتت سلطان شفيها جاوبني
سلطان : مدري مدري اهديي الحين

( وصل الخبر لعبدالله وركض لغرفة العمليات ، وصل الخبر للاهل ومتجمعين عند غرفة العمليات ، اثير ، يارا ، يزيد ، بسام ، فيصل ، سعود )

ام حور تبكي: ليكون بيطلع لنا قبل 6 سنوات يقولون ماتت
ام عبدالله: تعوذي من ابليس وان شاء الله تصحى ماتدرين

يزيد : سلطان كانت صاحيه يوم شفتها ولا كيف
سلطان : صارخت وبعدها طاحت

( يزيد ناظر في بسام بمعنى " ليكون مسكها " الي هو القاتل )

هيفاء تبكي: ماشفتو شكلها واضح عليها الخوف اخخ ي حور

( بسام يمسك سعود على جنب )

بسام : سعود يزيد قال لنا عن الي قتلو رهف ، ليكون ؟
سعود : تفكيري نفس تفكيرك
بسام : شوف كاميرات المراقبه
سعود : اي رايح اشوفها ، انت خلك هنا عندهم وانا بتصرف
بسام : زين

( طلع عبدالله وهو طاير من الفرحه )

عبدالله: ابشركم ابشركم حور استجابة للعلاج وطلعت من عالم الغيبوبه

ام حور تصرخ من الفرحه وتسجد : يارب احمدك واشكرك يارب ، يعني بنتي بترجع لي
اثير تحضن ام حور : حور قويه ي خاله قلت لك بتقوم
ام عبدالله: الحمدلله يارب
( وفرحو العائلتين )

ابو حور: متى بنشوفها ؟
عبدالله: لما تصحى ان شاء الله
ابو عبدالله يحضن ولده : ماصرت دكتور عبث رفعت راسي يولدي

اللاخبار :
- الحمدلله استجابة للعلاج فتاتنا وبطلتنا النائمه مرت 6 سنوات على فقدانها دماغياً لكن بقدرة الله ، افاقت ✨البطله النائمه ✨ اذكرو لها بدعوه جميله .

( بعد نص ساعه ، تجمعو عند غرفة حور )

( ام حور تبوس يد بنتها وتبكي ، ابو حور يخلص الاجراءات والتكاليف ، وكلهم فرحانين انها استجابة لهم وربي استجاب دعوتهم )

ابو عبدالله: حنا بنعمه وخير ي ام حور ، لا تبكين من بعد 6 سنوات استجابة لنا ، مفروض تحمدين ربك بدال لا تبكين 
يارا : ذي من الناس الي تحبها كل يوم تدعي انها تصحى وسبحان الله ربي مايخلي دعوة احد