اعتذر على قصر البارت باذن الله المره الجايه بطول فيه
( صباح يوم الخميس )
(بالمطبخ ، صحت حور بدري تسوي لهم الفطور وتفاجئة بان عبدالله صاحي )
حور : مانمت ؟
عبدالله: الا نمت بس صحيت جوعان
حور : ههههههه حتى وانت تعبان توجع
عبدالله : ترا عادي الرجال يجوعون
حور : اي م قلنا شي ، وش تبي اسويلك ؟ عندك اكله معينه
عبدالله : كل شي تسوينه من يدك حلو
حور : يعمرييي ، خلاص اجل بيض ؟
عبدالله: يوه يهالبيض بكل مصيبه معنا
حور : وجعع نعمه ، تعال اطبخ معي
( حور تطبخ البيض وعبدالله قاعد فوق الطاوله )
عبدالله: تعرفين تطبخين ؟
حور : اي وش شايفني
عبدالله: بس بيض ؟
حور : بدينا طقطقه هاهههه ؟
عبدالله بضحك : ههههههه لا صدق ماتعرفين الا البيض يعني ماتعرفين مكرونه وكذا
حور : الله يديم النعمه مكرونه الصباح ؟
عبدالله: ايي
( دخلت يارا )
تتثاوب يارا : حورر.. بسم الله ذا وش مصحيه
عبدالله: وانتِ وش مصحيك
يارا : مو شغلك ، روح فيصل يدورك وش سارق منه !
عبدالله: هووووب كذابه ( يطلع )
يارا تطالع فيه وهو يطلع وتقرب لحور : بنت ذولي وش يبغون منك ، مره الاستاذ ومره عبدالله ليكون كلهم معجبين ؟
حور تطالع فيها : وانتِ وش دخلك
يارا : لا تخافين تراي مو سراقة رجال
حور تقرب منها : تبيني اقولك ، وش يبون ؟
يارا بحماس : ايي
حور : حطي النواشف تحصلينها بثلاجه ، واتركي العلوم الي مالها سنع عنك
يارا : هووووف انا احط نواشف انااا
حور : اجل انا ؟ بسرعه اشوف ، مافي بنت غيري وغيرك ، يلا بسرعه
يارا : هفف طيب
( بيت اهل نايف )
اثير : صباح الخير خاله
ام نايف : ما شاء الله صاحيه بدري صباح النور
اثير : شبعانه نوم ، وصحيت
ام نايف : زين اكلي معي
اثير : يوووء ايش ذا ؟
ام نايف: تمر مفروك وحليب ! وش الكلام ذا
اثير : معليش خاله وين الخدامه ؟
ام نايف : م عندنا
اثير منصدمه : شلون معندكم ، ياربي شلون اعيش الحين
ام نايف : لا تكفين بينقطع الاكسجين عندس
اقول تبين تاكلين ولا عاني المطبخ قدامس
اثير : قدامس تكفين ايش ذي قدامس ، الناس من الاتكيت تقول قدامك ي خاله
ام نايف بطنازه : لا تكفين انتِ ، يالاتكيت اقول لا تخليني ان جيتس جريت اذنتس سامعه
اثير : اوكي بروح لا تقومين هف
ام نايف : والله بنات اخر زمن قال الاتكيت قال
( قبل تطلع ام نايف شغلت الاخبار )
اثير : دقيقة دقيقة ارفعي الصوت !!
ذا يزيد ، انمسسسسسك ؟؟؟؟؟؟؟
ام نايف: ذا خويكم ؟
اثيير : ايي يخاله ليش كيف انمسك اخخ كأني غريبه معرف عنهم شي
YOU ARE READING
مدرسة ثانوية بني آل زايد
Teen Fictionتتكلم الروايه عن (مدرسة ثانوية بني آل زايد ) وذي الثانويه معروفه بالرياض ومشهوره بثراء وكل من فيها من عائلات راقيه "للبنين و للبنات" وتحصل المشاكل وتبداء الاحداث ..
