فتحت عيوني وحصلت نفسي بشوارع الرياض طايحه جنب الزباله " و انتُ بكرامه"، وقفت وخفت انه نفس الحلم الي احلم فيه كل مره ، ركضت مدري وين رايحه ، ركضت لما وقفت قدام سياره بغت تصدمني ، وقفت السياره ونزل منها :
الرجال : انتِ بخير صار لك شي
حور تناظر فيه باستغراب : انت مو غريب علي
الرجال : فيك شي ؟
حور بعد تفكير: يزيد ؟
الرجال : بسم لله شفيك مين يزيد ، اوصلك مستشفى شي
حور بدون أي شعور : م عرفتني انا حور حور صاحبتك
فكرت شوي جلست افكر شلون صرت صاحبته وانا توي اشوفه ، بس اني اعرفه وقد شفته ، اطالع فيه احاول اتذكر ملامحه شلون ماعرفته وهو يطالع فيني ناقد علي وعلى عقليتي قال لي اذا مافيك شي بعدي عن الطريق ، بعدت خليته يكمل طريقه ، من ذا الوقت وانا بيني وبين نفسي تفكير حتى جاء اليوم
( عبدالله حاط راسه على يد حور )
حور فتحت عيونها وبصوت هادي : يزيد ..
عبدالله وقف مبتسم : حور ، حور فتحت عيونها
( وقفو كلهم ع راس حور ، وعبدالله راح ينادي الدكتور ، وحور تفتح عيونها وتقفلها وتحاول تمييز بينهم)
ابو حور مبتسم وفيه البكيه : حور بنتي قامت
ابو عبدالله يحضن ابو حور : الحمدلله الحمدلله صحت
يارا : حور طالعي فيني انتِ بخير تحسين بشي
حور تحاول تمييز بينهم : ابوي ..
ابو حور مبتسم ودموع في عيونه: يأمي انتِ الحمدلله على سلامتك ، بيجي الدكتور الحين لا تتحركين او تتكلمين
حور : انا وين
ابو عبدالله: الحمدلله الحمدلله على سلامتك مابغيتي تقومين
يزيد مبتسم : حور حور ، ماتتخيلين كيف ننتظرك تصحين الحمدلله على السلامه
( دخل الدكتور )
الدكتور : لو سمحتو فضو الغرفه لازم تستريح المريضه ويكون شخص واحد عندها
( طلعو كل الي بالغرفه ، راحو لغرفة الانتظار ، وبقى عبدالله و حور بالغرفه ، بعد 15 دقيقه تحاول تجمع نفسها )
عبدالله: حور تحسين بشي اجيب لك شي
حور تعدل جلستها باستغراب : عبدالله ، مين الي كانو عندي قبل شوي
عبدالله استغرب : الي كانو عندك ؟
حور : اي
عبدالله: ماتعرفينهم ؟
حور : اي
عبدالله: تعرفين مين انا ؟
حور : اي عبدالله
عبدالله: تعرفين حنا أي سنه ؟
حور : اي سنة 2018
عبدالله بابتسامه : حور وش صار امس ؟
( عبدالله ب مهارته يحاول يعرف اذا تتذكر شي او لا )
حور بدون تردد : ايي ... ( بس هنا لحظة ادراك انها ماتتذكر ) عبدالله انا ليش بالمستشفى
عبدالله: اهاا بس ، انتِ ارتاحي الحين بعطيك مهدئ يبعدك عن التفكير
حور : عبدالله اظن انك كنت شخص قريب مني حيل ، يعني احس كان بيني وبينك شي صح ؟
YOU ARE READING
مدرسة ثانوية بني آل زايد
Teen Fictionتتكلم الروايه عن (مدرسة ثانوية بني آل زايد ) وذي الثانويه معروفه بالرياض ومشهوره بثراء وكل من فيها من عائلات راقيه "للبنين و للبنات" وتحصل المشاكل وتبداء الاحداث ..
