مدرسة ثانوية بني آل زايد

الجزء(2) "اليوم الموعود " النهايه بارت 31

ملاحظه / نرجع لسعوديه ونبدا احداثها من راحو عبدالله وشله

( في المملكه العربيه السعوديه )

( الساعه 3 الفجر بالليل )

( بيت سعود )

( سعود طلع من غرفته ،امل نايمه فوق الكنبه )

سعود : لحول ولا قوه ، رايح الحين المركز اعرف من وين جيتي ي أمل وان شاء الله مايطلع الي في بالي

( جاب لها لحاف ولحفها عن البرد ويطالع في وجهها )

سعود : معقوله ذا كله ضرب مافي أيت رحمه ابداً ، راح يتحاسبون على كل يد انمدت لك ي امل ( طلع )

( طلع سعود وركب سيارته ، واتصل على بسام )

- بسام : هلا ؟
- سعود : وينك ؟
- بسام : وش عندك ؟
- سعود : بتكلم معاك ممكن ؟
- بسام : عن ايش ؟
- سعود : اذا جيتك بتعرف !
- بسام : تمام تعال المدرسه !
- سعود : يلا جايك

( مركز الشرطه )

( مكتب يزيد )

سلطان : ذا الي اعرفه ي يزيد
يزيد : تمام ماقصرت انت على الاقل نقدر نعرف اشياء عنها
سلطان : لو مسكتوها وش بتسوين لها ؟
يزيد : النيابه الي بتقرر ، لكن احتمال تسجن 10 سنوات مع غرامه تصل 5 مليون وفصل الوظيفي يعني ماتتوظف ابداً

سلطان : لحول ولا قوه الا بالله

( دخلت نور )

نور : اعتذر طال عمرك ، بس فيه واحد منهم عنده خبر ويبغى يقوله لك
يزيد يوقف : خلاص تمام ، سلطان الان تقدر تروح
سلطان : بروح بس بعد ماعرف وينها مرام
يزيد : ذا ممنوع ، ومقدر اخذك معي لتحقيق ، الا بتصريح ، لكن ان شاء الله بقولك روح ارتاح الحين انت معي من 12

سلطان : تمام

( غرفة الاحقيق )

يزيد دخل : سمعت ان عندك شي ؟
واحد من طرف مرام : اسمع انا بقولك كل شي بس بشرط !

يزيد : الي هو ؟
واحد من طرف مرام : تطلعوني بريئ مابغى ادخل السجن
يزيد : تمام بس قول
نور : طال عمرك ، بس القانون ما يقول كذا!
يزيد : انا امشي على قانوني انا ي نور ، اذا مو حابته قدمي استقالتك
( سكتت نور )

يزيد : انا اقدر اساعدك تطلع من هنا ولا تهمه ورى ظهرك بس بالاول تقول كل الي تعرفه !

واحد من طرف مرام : مرام ذي استأجرتنا ، من وحده اسمها ريم ، حنا اتباع ريم كنا نشتغل فتره عندها لما فجأه حصلنا انفسنا عند مرام ، وبدأت مرام تراقبكم ، وتبي تخرب حياة آل زايد ، وهي كانت موجوده في شقه قريبه بس خطتها بعد ماتخلص منكم تروح لتبوك عندها ماعرف يسترون عليها هناك

يزيد : مين يتشغل معاها ؟
الرجال : واحد هارب من السجن هو يعرف كل شي عنكم وعن تحركاتكم وهو الي كان يأمرنا وهارب له شهرين